सगळे उपाय केले, पण पोटदुखी थांबेना, शेवटी निर्णय घेतला अन् शस्त्रक्रिया केली, ‘ते’ दृश्य पाहून सगळ्यांना धक्का

घणसोली येथील कृष्णा राम म्हात्रे हे गेल्या वर्षभरापासून मूतखड्याच्या वेदनांनी त्रस्त होते. त्यासाठी त्यांनी अनेक आयुर्वेदिक उपचार घेतले. तसेच खासगी रुग्णालयातही हेलपाटे मारले. मात्र, समाधानकारक निदान झाले नाही. नेरुळमधील एका रुग्णालयात शस्त्रक्रियेसाठी लाखो रुपयांचा खर्च सांगण्यात आला.

आर्थिकदृष्ट्या अडचणीत असणाऱ्या म्हात्रे कुटुंबाने शेवटी मुंबई महापालिकेच्या वाशी रुग्णालयात धाव घेतली. पालिकेचे आरोग्य अधिकारी डॉ. प्रशांत जवादे आणि वाशी रुग्णालयाचे वैद्यकीय अधिकारी डॉ. प्रकाश राठोड यांच्या सहकार्याने खासगी रुग्णालयात उपचार सुरू करण्यात आले. या ठिकाणी युरोलॉजिस्ट डॉ. गौरव कासट यांनी गुंतागुंतीची तीन तास शस्त्रक्रिया केली. तसेच म्हात्रे यांच्या पोटातून तब्बल 260 ग्रॅम वजनाचा मूतखडा काढला.