Success Story : फलटणच्या बोराटे बंधूंनी लढवली शक्कल! या शेतीतून फक्त ८० दिवसांत झाले लखपती, असं केलं काय?

फलटण : कमी कालावधीत अधिक उत्पन्न देणाऱ्या पिकांकडे शेतकऱ्यांचा कल वाढत असल्याचे चित्र सध्या दिसत आहे. फलटण तालुक्यातील विठ्ठलवाडी येथील जनार्दन आणि मनोहर बोराटे या बंधूंनी याच विचारातून ‘मॅक्स’ या कलिंगड जातीची लागवड करून यशस्वी प्रयोग केला आहे. अवघ्या अर्ध्या एकर क्षेत्रात त्यांनी सुमारे ८० दिवसांत तब्बल १० टन कलिंगड उत्पादन घेत जवळपास दोन लाख रुपयांचे उत्पन्न मिळवले.