TRENDING:
आज आपण पाहणार आहोत, मुलांना भोपळा खाऊ घालण्याची टेस्टी पद्धत. आज आम्ही तुम्हाला भोपळ्याचे पॅनकेक्स कसे बनवायचे ते सांगणार आहोत. इंस्टाग्रामवर foodie_gujarati11 वर ही सोपी रेसिपी शेअर केली आहे. चला पाहूया ते कसे बनवायचे.
भोपळ्याचे पॅनकेक्स बनवण्यासाठी लागणारे साहित्य..
- किसलेला भोपळा
- रवा
- तांदळाचे पीठ
- कोथिंबीर
advertisement
- काळे तीळ
- हिरवी मिरची
- मीठ
- पांढरे तीळ
- मोहरी
- तूप
- हिंग
- फ्रुट सॉल्ट किंवा इनो
- लिंबू
भोपळ्याचे पॅनकेक्स बनवण्याची कृती..
- सर्वात आधी किसलेला भोपळा घ्या. त्यामध्ये कोथिंबीर, काळे तीळ, हिरवी मिरची, मीठ, रवा आणि तांदळाचे पीठ टाका.
- त्यानंतर यामध्ये दही टाकून हे मिश्रण व्यवस्थित एकत्र करा.
- सर्व मिश्रा व्यवस्थित एकजीव झाले की ते काही वेळासाठी बाजूला ठेवा. जेणेकरून रवा भिजण्यासाठी वेळ मिळेल.
- काही वेळानंतर हे मिश्रण व्यवस्थित सेट होते.
- आता यामध्ये इनो किंवा फ्रुट सॉल्ट टाका, वरून लिंबाचा रस टाका आणि हे मिश्रण परत एकत्र करून घ्या.
- त्यानंतर एका छोट्या पॅनकेक्सच्या पॅनमध्ये तूप घाला. तूप गरम झाले की त्यात मोहरी, पांढरे तीळ आणि हिंग घाला. वरून लगेच थोडे मिश्रण टाका.
- आता हे झाकून एका बाजूने व्यवस्थित भाजू द्या. त्यानंतर ते फ्लिप करा आणि दुसऱ्या बाजुनेही व्यवस्थित भाजून घ्या.
अशाप्रकारे तुमचे हेल्दी आणि टेस्टी भोपळ्याचे पंकेसक तयार हातात. हे मुलांच्या डब्यात खायला द्या. त्यांना खूप आवडतील. सगळ्यात महत्त्वाचं म्हणजे त्यांना कळणारही नाही की यामध्ये भोपळा आहे.
Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.