TRENDING:
आज आम्ही तुम्हाला इंस्टाग्रामवर Shivesh या अकाऊंवर शेअर केलेली एक रेसिपी सांगता आहोत. हा चॉको लावा केक तुम्ही अंडी आणि ओव्हनशिवाय बनवू शकता. आप्पे बनवण्याच्या पॅनमध्ये तुम्ही हे केक बनवू शकता. याची चवही इतकी अप्रतिम येईल की तुमचा दिवस आणखी गोड आणि रोमँटिक होईल.
चॉको लावा केक बनवण्यासाठी लागणारे साहित्य..
advertisement
- 1/3 कप बारीक साखर (castor sugar)
- 2 टेबलस्पून वितळलेले बटर
- 1/2 कप कोमट दूध
- 3/4 कप मैदा
- 1/4 कप कोको पावडर
- 1/2 टीस्पून बेकिंग पावडर
- 10-12 चॉकलेटचे तुकडे
चॉको लावा केक बनवण्याची पद्धत..
- एका भांड्यात साखर आणि वितळलेले बटर घ्या. त्यानंतर चांगले फेटून घ्या.
- चांगले मिसळल्यावर त्यात कोमट दूध घाला आणि पुन्हा मिसळा.
- नंतर तुमचे सर्व कोरडे घटक म्हणजे मैदा, कोको पावडर आणि बेकिंग पावडर घाला.
- सर्वकाही एकत्र करून बॅटर बनवा आणि पायपिंग बॅगमध्ये भरा.
- मिनी केक बनवण्यासाठी एक आप्पे पॅन गरम करा आणि ते तेलाने ग्रीस करा.
- पॅनमध्ये थोडे बॅटर घाला आणि नंतर त्याच्या मध्यभागी चॉकलेटचा तुकडा टाका.
- चॉकलेटच्या तुकड्याच्या वरून पुन्हा थोडे बॅटर टाका आणि झाकन ठेऊन दोन्ही बाजूंनी चांगले शिजवा.
- नंतर केक पॅनच्या बाहेर काढून त्यावर थोडी आयसिंग शुगर घाला आणि गरमागरम सर्व्ह करा.
Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.