उन्हाळा म्हणून जास्त पाणी पिता? सावधान! तुम्हाला होऊ शकतो गंभीर आजार

जास्त पाणी पिणे शरीरासाठी घातक ठरू शकते आणि यामुळे 'हायपोनेट्रेमिया' होऊ शकते. हायपोनेट्रेमिया एक अशी स्थिती आहे, ज्यात रक्तातील सोडियमचे प्रमाण अत्यंत कमी होऊन शरीराच्या कोशिकांमध्ये सूज येते. जानेवारी 2018 मध्ये लंडन मॅरेथॉनमध्ये भाग घेत असलेल्या जोहाना पेरीने अत्यधिक पाणी पिऊन हायपोनेट्रेमिया अनुभवले आणि तीन दिवस आयसीयूमध्ये राहावे लागले. तिचा अनुभव स्पष्टपणे दाखवतो की शरीराच्या क्षमता पेक्षा जास्त पाणी पिणे किती धोकादायक ठरू शकते. त्यामुळे, शरीराची योग्य आवश्यकता ओळखून पाणी पिणे अत्यंत महत्त्वाचे आहे, अन्यथा आरोग्याशी संबंधित गंभीर समस्यांना सामोरे जावे लागू शकते.

advertisement

जास्त पाणी प्यायलाने काय होऊ शकतं?

उलटी आणि मळमळ

डोकं दुखणे

भ्रम किंवा गोंधळ

थकवा आणि अशक्तपणा

मांसपेशींमध्ये कमजोरी किंवा संकुचन

गंभीर परिस्थितीत, शरीराच्या कार्यांची गडबड होऊ शकते, आणि कोमामध्ये जाण्याची शक्यता असू शकते.

किती पाणी प्यायला हवं?

नियमित आणि योग्य प्रमाणात पाणी पिणे अत्यंत आवश्यक आहे. उन्हाळ्यात पुरुषांनी किमान साडे तीन ते चार लीटर पाणी पिणं आवश्यक आहे. तर महिलांनी अडीच ते तीन लीटर पाणी पिणं आवश्यक आहे तर तज्ज्ञांच्या मते, प्रौढ व्यक्तीने दिवसाला किमान 8 ते 10 ग्लास पाणी पिणं आवश्यक आहे. तुमच्या शरीरासाठी किती पाणी आवश्यक आहे यासाठी डॉक्टरांचा सल्ला घेणं आवश्यक आहे. अति पाणी देखील तुमच्या किडनीसाठी धोकादायक ठरू शकतं. त्यामुळे कोणतेही प्रयोग करण्यापूर्वी डॉक्टरांचा सल्ला घ्या.