चिराग व्हेज बिर्याणीची सुरुवात 9 वर्षांपूर्वी सुभान अली यांनी केली होती. तर आतापर्यंत या व्हेज बिर्याणीला ग्राहकांचा चांगला प्रतिसाद मिळत आहे. शहरातील वेगवेगळ्या भागातून ग्राहक या ठिकाणी व्हेज बिर्याणी खाण्यासाठी येत असतात. घरगुती मसाल्यामध्ये ही व्हेज बिर्याणी बनवल्या जाते. त्यामुळे ही व्हेज बिर्याणी खाण्यासाठी अधिक ग्राहकांची पसंती आहे.
50 वर्षांपासून प्रसिद्ध आहे पुण्यात हा वडापाव; एक खाल्ला तरी भागेल तुमची भूक
advertisement
बिर्याणीची काय आहे खासियत ?
चिराग बिर्याणी येथे तीन प्रकारच्या बिर्याणी मिळतात. व्हेज बिर्याणी, पनीर बिर्याणी, पनीर टिक्का बिर्याणी ही बिर्याणी तुम्ही एकदा खाल्ली की खुश व्हाल कारण चविष्ट आणि अप्रतिम अशी ही बिर्याणी आहे. बिर्याणी बनवण्यासाठी सुभान अली बाहेरून मसाले आणत नाहीत ते स्वतः घरगुती मसाले तयार करून वापरतात. तांदूळ देखील उत्तम प्रतीचा वापरतात. त्यामुळे बिर्याणी खाल्ल्यामुळे तुम्हाला कोणताही त्रास होणार नाही किंवा पोटात जळजळ देखील होणार नाही. त्यामुळे अधिक ग्राहक या बिर्याणीकडे आकर्षित होतात.
40 रुपयात फुल प्लेट बिर्याणी
ग्राहकांना बिर्याणीचा आस्वाद घेता यावा या करिता 40 रुपयात फुल प्लेट बिर्याणी आम्ही देतो. एक प्लेट खाल्ली की तुमचं पोट भरून जातं. तस इतर ठिकाणी पोटभर खायचं म्हणजे तुम्हाला जास्त पैसे मोजावे लागतात आणि एखादा खूपच गरीब व्यक्ती असेल ज्याच्याकडे पैसे नसतील अशा व्यक्तीला आम्ही मोफत बिर्याणी देऊन टाकतो असं, चिराग व्हेज बिर्याणीचे सुभान अली सांगतात.
समोसा रस्सा राईस खाल्लाय का? एकदा चव चाखाल तर पुन्हा जाल
कुठं मिळतेय व्हेज बिर्याणी?
नाशिक शहरात 5 ठिकाणी चिराग व्हेज बिर्याणीच्या शाखा आहेत. जुने सीबीएस परिसर, भद्रकाली, रविवार कारंजा, उत्तमनगर, नाशिकरोड, या ठिकाणी आहेत. तुम्ही कोणत्याही शाखेत गेलात तरी बिर्याणीची चव एकच असेल उत्तम प्रतीचीच बिर्याणी तुम्हाला इथं खायला मिळेल. बिर्याणी तुम्हाला पार्सल देखील मिळू शकते. त्यासाठी 8975990920 या नंबर वर तुम्ही अधिक चौकशी करू शकता.