'या' व्हिटॅमिन्सची कमतरतेमुळे त्वचा होते डार्क, आहारात करा 'हा' मुख्य बदल, चेहऱ्यावर येईल नवं तेज

...यामुळे मेलेनिनचं संतुलन बिघडू शकतं

हेल्थलाइनच्या रिपोर्टनुसार, शरीरातील लाल रक्तपेशी तयार होण्यासाठी, डीएनए उत्पादनासाठी आणि मज्जासंस्थेच्या कार्यासाठी व्हिटॅमिन बी12 खूप आवश्यक आहे. पण जर त्याची कमतरता झाली, तर त्वचेवर त्याचा परिणाम स्पष्ट दिसतो. यामुळे त्वचेचा रंग असमान होतो. चेहऱ्यावर पिगमेंटेशन आणि गडद डाग दिसू लागतात आणि त्वचा निस्तेज आणि कोरडी दिसते. व्हिटॅमिन बी12 च्या कमतरतेमुळे मेलेनिनचं संतुलन बिघडू शकतं, ज्यामुळे डोळ्यांखालील आणि ओठांच्या आसपासच्या भागांमध्ये त्वचा गडद दिसते.

advertisement

व्हिटॅमिन डी ची कमतरताही कारण असू शकते

व्हिटॅमिन डी सूर्यप्रकाशातून मिळतं, पण जर तुम्ही सूर्यप्रकाशापासून दूर राहत असाल किंवा घरात जास्त वेळ घालवत असाल, तर त्याची कमतरता होऊ शकते. हे व्हिटॅमिन त्वचेच्या पेशींच्या वाढीसाठी आणि दुरुस्तीसाठी आवश्यक आहे. त्याच्या कमतरतेमुळेही त्वचा निर्जीव, कोरडी आणि गडद होऊ शकते. जर तुम्हाला तुमची त्वचा निरोगी आणि चमकदार ठेवायची असेल, तर व्हिटॅमिन बी 12 साठी आहारात अंडी, दूध, दही, पनीर, चिकन, मासे, फोर्टिफाइड धान्य यांसारख्या पदार्थांचा समावेश करा.

पुरेशी झोप घेणं आवश्यक

व्हिटॅमिन डी साठी आहारात मशरूम, अंड्याचा पिवळा भाग, फोर्टिफाइड दूध आणि धान्य, सॅल्मन, टूना सारखे फॅटी फिश यांचा समावेश करा. तसेच, दिवसातून कमीतकमी 15-20 मिनिटे हलका सूर्यप्रकाश घ्या. याशिवाय, भरपूर पाणी प्या जेणेकरून त्वचा हायड्रेटेड राहील आणि जंक फूड आणि साखरयुक्त पदार्थांपासून दूर राहा. 7-8 तास झोप घेणे आवश्यक आहे. याव्यतिरिक्त, व्हिटॅमिन सप्लिमेंट्स घेण्यापूर्वी डॉक्टरांचा सल्ला घेणेही महत्त्वाचं आहे.

हे ही वाचा : हाडं होतील लोखंडासारखी मजबूत! आहारात घ्या 'या' 5 गोष्टी, दुधापेक्षा जास्त कॅल्शियम आहे 'या' पदार्थांमध्ये!

हे ही वाचा : पॅरासिटामॉल घेताय? सावधान! यामुळे तुमच्या लिव्हरचं होऊ शकतं मोठं नुकसान, तज्ज्ञांनी सांगितली धक्कादायक माहिती