Night Shift मुळे तुम्हाला जाणवतात का सिमटर्म्स, असू शकतो हा गंभीर आजार, तज्ज्ञांनी थेट सांगितलं

झोपण्याची व उठण्याची वेळ निश्चित करा

आपल्या शरीराची एक निश्चित वेळ असते, ज्याला बॉडी क्लॉक किंवा सर्कॅडियन रिदम म्हणतात. ही प्रणाली आपल्याला कधी झोपायचे आणि कधी जागे व्हायचे हे सांगते. जेव्हा आपण या लयीत अडथळा आणतो. रात्री जागे राहणे आणि दिवसा झोपणे तर, त्याचा परिणाम हळूहळू आपल्या आरोग्यावर दिसून येऊ लागतो. रात्री झोप पूर्ण न झाल्यामुळे शरीराला योग्य विश्रांती मिळत नाही. स्नायू, हृदय, फुफ्फुसे, आतडे, हे सर्व अवयव 24 तास काम करतात, पण त्यांना विश्रांतीची देखील आवश्यकता असते. झोपेच्या वेळी शरीर स्वतःची दुरुस्ती करते, रोगप्रतिकारक शक्ती मजबूत होते आणि मन देखील ताजेतवाने होते. जेव्हा आपण नीट झोपत नाही तेव्हा शरीराला बरे होण्याची संधी मिळत नाही.

advertisement

रात्रीच्या शिफ्ट करणाऱ्यामध्ये दिसून येतात सामान्य आजार 

- मधुमेह: झोपेचा अभाव शरीराची साखर नियंत्रित करण्याची क्षमता कमी करतो.

- रक्तदाब: सतत जागे राहिल्याने रक्तदाब वाढू शकतो.

- नैराश्य आणि चिंता: जेव्हा मनाला योग्य विश्रांती मिळत नाही तेव्हा त्याचा मानसिक स्थितीवर परिणाम होतो.

- हृदयरोग: संशोधनानुसार, जे लोक रात्री कमी झोपतात. त्यांना हृदयविकाराचा झटका किंवा स्ट्रोकचा धोका जास्त असतो.

- पचनाच्या समस्या: आतड्यांनाही विश्रांतीची आवश्यकता असते. रात्री खाल्ल्याने आणि जागे राहिल्याने गॅस आणि अ‍ॅसिडिटीसारख्या समस्या वाढतात. बऱ्याचदा लोक म्हणतात की ते दिवसा झोपतील, पण दिवसाची झोप ही रात्रीच्या झोपेसारखी नसते. दिवसभरात अशा अनेक गोष्टी घडतात ज्या त्रासदायक असतात.

या टिप्स फॉलो करा

जर तुमच्या कामासाठी रात्रीच्या शिफ्टची आवश्यकता असेल, तर दररोज एकाच वेळी झोपण्याचा आणि उठण्याचा प्रयत्न करा. झोपण्यापूर्वी मोबाईल आणि लॅपटॉप दूर ठेवा. खोली अंधारी आणि शांत ठेवा जेणेकरून तुम्हाला चांगली झोप येईल. तुमच्या आहाराकडे लक्ष द्या आणि जास्त कॉफी किंवा एनर्जी ड्रिंक्स टाळा. टीप (खालील दिलेली माहिती सामान्य माहितीवर आधारित असून News18 मराठी यातून कोणताही दावा करत नाही. कोणतेही उपाय अवलंबण्यापूर्वी तज्ज्ञांचा सल्ला आवश्य घ्या.)