प्रवासाला जाण्यापूर्वी बजेट तयार करणे खूप महत्त्वाचे आहे. कारण त्यावर इतर गोष्टी ठरतात. याशिवाय जर आपल्याला आपण जिथे जाणार आहोत त्या ठिकाणाची संपूर्ण माहिती असेल, तर प्रवास आणखी सोपा होतो.
ठिकाण : तुमच्या बजेटमध्ये बसणारे ठिकाण निवडा. उदाहरणार्थ, तुम्ही जवळच्या ठिकाणांपैकी नैनीताल, भीमसेन किंवा मसुरी निवडू शकता. येथे पोहोचायला जास्त वेळ लागणार नाही आणि कमी खर्चात चांगले हॉटेल आणि तिकीटही मिळू शकते.
advertisement
वाहतूक : कमी खर्चात सहलीचे नियोजन करण्याचा सर्वोत्तम मार्ग म्हणजे तुमच्या प्रवासाच्या खर्चावर नियंत्रण ठेवणे. शहराच्या जवळची ठिकाणे निवडा. सार्वजनिक वाहतुकीऐवजी स्वतःचे वाहन वापरल्यास, महागडी विमान किंवा रेल्वेची तिकिटे टाळता येतात आणि कमी पैशांत प्रवास करता येतो.
लॉयल्टी प्रोग्राम : अनेक हॉटेल्स आणि एअरलाइन्स त्यांच्या ग्राहकांना पुन्हा-पुन्हा सेवा घेतल्याबद्दल रिवॉर्ड पॉइंट्स देतात. कौटुंबिक सहलींमध्ये या रिवॉर्ड पॉइंट्सचा वापर करा आणि भरपूर पैसे वाचवा. अनेक वेळा हॉटेल्स ग्राहकांच्या सोयीनुसार उत्तम ऑफर्स घेऊन येतात. अशा ऑफर्स शोधा आणि मग तुमच्या सुट्टीचे नियोजन करा.
ट्रॅव्हल साइट्स : कमी खर्चात सहलीची योजना आखताना कोणत्याही ट्रॅव्हल वेबसाइटची मदत घेऊ शकता. कमी बजेटमध्येही या वेबसाइट्स संपूर्ण सहलीची योजना बनवू शकतात. या वेबसाइट्सवर राहण्याची व्यवस्था, वाहतूक, ठिकाणांना भेट देणे आणि जेवण यांसारख्या सर्व गोष्टींचे नियोजन केले जाते.