पॅरासिटामॉल घेताय? सावधान! यामुळे तुमच्या लिव्हरचं होऊ शकतं मोठं नुकसान, तज्ज्ञांनी सांगितली धक्कादायक माहिती

वारंवार पॅरासिटामॉल घेणं चुकीचं

एएनआयला दिलेल्या मुलाखतीत, देशाचे सुप्रसिद्ध यकृत तज्ज्ञ शिवकुमार सरीन यांनी सांगितलं की, गरजेपेक्षा जास्त पॅरासिटामॉल घेतल्यास यकृताला नुकसान होऊ शकतं. वारंवार पॅरासिटामॉल घेणं चांगली बाब नाही. आज अमेरिका आणि युरोपमध्ये यकृत निकामी होण्याचं सर्वात मोठं कारण पॅरासिटामॉल आहे. खरं तर, यकृतामध्ये ग्लुटाथिओन नावाचं एक तत्व असतं, जे यकृताला खराब होण्यापासून वाचवतं. ग्लुटाथिओन पॅरासिटामॉलला निष्प्रभावी करतं आणि यकृताला नुकसानीपासून वाचवतं. जेव्हा एखादी व्यक्ती दारू पितो, तेव्हा ग्लुटाथिओनचं प्रमाण कमी होतं. लठ्ठपणामुळेही ग्लुटाथिओन कमी होतं. जर तुमच्या शरीरात ग्लुटाथिओनचं प्रमाण कमी असेल, तर अशा स्थितीत जास्त पॅरासिटामॉल घेतल्यास यकृताला नुकसान होऊ शकतं.

advertisement

खबरदारी घेणं अत्यंत गरजेचं

डॉ. सरीन म्हणाले की, आपलं शरीर पॅरासिटामॉल घेण्याची एक क्षमता ठेवतं. त्यापेक्षा जास्त पॅरासिटामॉल घेतल्यास यकृताला नुकसान होऊ शकतं. साधारणपणे दिवसातून फक्त 2 ते 3 पॅरासिटामॉलच्या गोळ्या घ्याव्यात. याऐवजी, तुम्ही दिवसातून 3-4 वेळा अर्धी गोळी घेऊ शकता. यामुळे यकृताला हानी पोहोचणार नाही. पॅरासिटामॉल केवळ तापाचं औषध नाही, तर ते वेदनाशामक (painkiller) देखील आहे. याच कारणामुळे डॉक्टरांच्या सल्ल्यानेच याचा वापर करावा. स्वतःहून वारंवार हे औषध घेणं यकृतासाठी हानिकारक असू शकतं. त्यामुळे खबरदारी घेणं गरजेचं आहे.

लिव्हरवर थेट होतो परिणाम

आरोग्य तज्ज्ञांच्या मते, बहुतेक औषधं आपल्या यकृतामध्ये मेटाबॉलाइज (चयापचय) होतात. आपलं यकृत औषधं, रसायनं आणि इतर विषारी पदार्थांना तोडून त्यांना शरीराबाहेर काढण्याचं काम करतं. जेव्हा आपण कोणतंही औषध वारंवार घेतो, तेव्हा हे औषध थेट यकृतात जातं आणि तिथे मेटाबॉलिक प्रक्रिया होते. अशा परिस्थितीत, जर औषधांचं सेवन जास्त प्रमाणात किंवा वारंवार केलं, तर यकृतावर अतिरिक्त दबाव येऊ शकतो. यामुळे यकृताला नुकसान आणि हेपेटायटीससारख्या समस्या होऊ शकतात.

हे ही वाचा : स्क्रीन नव्हे, तर 'या' व्हिटॅमिनच्या कमतरेतमुळे डोळ्यांवर होतो गंभीर परिणाम! वेळीच सावध व्हा, अन्यथा...

हे ही वाचा : हाडं होतील लोखंडासारखी मजबूत! आहारात घ्या 'या' 5 गोष्टी, दुधापेक्षा जास्त कॅल्शियम आहे 'या' पदार्थांमध्ये!