TRENDING:
50 वर्षीय चुलत्यावर आपल्या 19 वर्षीय चुलत पुतणीला पाण्यातून गुंगीचे औषध देऊन तिच्यावर अत्याचार केल्याचा आरोप आहे. एवढेच नव्हे, तर हे कृत्य कोणास सांगितल्यास जीवे मारण्याची धमकीही या नराधमाने दिली होती. या घटनेमुळे परिसरात तीव्र संतापाची लाट उसळली असून पोलीस आरोपीचा कसून शोध घेत आहेत.
पाच महिन्यांपूर्वी अत्याचार, लग्नानंतर झाला उलगडा
advertisement
मिळालेल्या माहितीनुसार, हा प्रकार साधारण पाच महिन्यांपूर्वी घडला होता. आरोपीने पीडितेच्या पिण्याच्या पाण्यात गुंगीचे औषध मिसळून तिला बेशुद्ध केले आणि तिच्यावर पाशवी अत्याचार केला. यानंतर या कृत्याची वाच्यता केल्यास ठार मारण्याची धमकी दिल्याने पीडित तरुणी प्रचंड दहशतीखाली होती. या घटनेनंतर काही दिवसांतच पीडितेचा विवाह झाला आणि ती सासरी निघून गेली.
कुटुंबियांच्या पायाखालची जमीन सरकली
पंधरा-वीस दिवसांपूर्वीच विवाह झालेली ही तरुणी तीन दिवसांपूर्वी माहेरी आली होती. तिथे तिला झालेल्या त्रासाबद्दल तिने आपल्या कुटुंबातील सदस्यांना विश्वासात घेऊन सर्व हकीगत सांगितली. आपल्याच नात्यातील व्यक्तीने केलेले हे नीच कृत्य ऐकून कुटुंबियांच्या पायाखालची जमीन सरकली, त्यानंतर त्यांनी युसुफ वडगाव पोलीस ठाणे गाठले.
गुन्हा दाखल झाल्याची कुणकुण लागताच आरोपी फरार
पीडितेच्या तक्रारीवरून शनिवारी रात्री उशिरा युसुफ वडगाव पोलीस ठाण्यात संबंधित 50 वर्षीय चुलत्याविरुद्ध अत्याचार आणि जीवे मारण्याची धमकी दिल्याप्रकरणी गुन्हा दाखल करण्यात आला आहे. गुन्हा दाखल झाल्याची कुणकुण लागताच आरोपी फरार झाला असून पोलिसांची पथके त्याच्या मागावर आहेत.
मुलगी पाहायला जाण्यास नकार, तरुणासह पती-पत्नीसोबत भयंकर घडलं
मुलगी पाहायला जाण्यास नकार दिल्याने एका तरुणावर हल्ला झाल्याचा धक्कादायक प्रकार बीडमध्ये घडला आहे. लिंबागणेश येथे किरकोळ कारणावरून वाद झाला आणि तिघांनी एका तरुणावर हल्ला केला. यामध्ये जखमी तरुणाला वाचवण्यासाठी पुढे सरसावलेल्या पती-पत्नीलाही मारहाण करण्यात आली. या प्रकरणी नेकनूर पोलीस ठाण्यात तिघांविरुद्ध गुन्हा नोंद करण्यात आला आहे. घरी कोणी नसल्यामुळे कृष्णाने त्यांच्यासोबत जाण्यास नकार दिला. या कारणावरून तिघेही संतापले आणि त्यांनी कृष्णाला शिवीगाळ करत मारहाण करण्यास सुरुवात केली. त्याला लाथाबुक्क्यांनी मारहाण करण्यात आली, तसेच लोखंडी गजाने चेहऱ्यावर प्रहार केल्याने तो जखमी झाला.