TRENDING:
पुणे पोलीस सहआयुक्त रंजन कुमार शर्मा यांच्या नेतृत्वाखाली स्थानिक पोलीस आणि गुन्हे शाखेच्या विविध युनिट्सनी ही कारवाई केली. रात्री १२ च्या सुमारास अचानक मोठा फौजफाटा बुधवार पेठेत दाखल झाला. पोलिसांनी परिसरातील येण्या-जाण्याचे सर्व रस्ते बंद करून कडेकोट नाकाबंदी केली. त्यानंतर पहाटेपर्यंत चाललेल्या या ऑपरेशनमध्ये ४१ इमारतींची कसून तपासणी करण्यात आली. सुमारे ७०० संशयितांची झडती घेण्यात आली.
advertisement
बांगलादेशी महिलांची सुटका
या तपासणीत दोन बांगलादेशी महिला आणि काही अल्पवयीन मुलींची सुटका करण्यात पोलिसांना यश आले आहे. या महिला येथे कशा आल्या आणि त्यांच्यामागे मानवी तस्करीचे रॅकेट आहे का? याचा तपास आता सुरू आहे. झडतीदरम्यान पोलिसांना ७ ग्रॅम चरस आणि अमली पदार्थांच्या इंजेक्शनचा साठा मिळून आला आहे. या इंजेक्शनचा वापर नेमका कशासाठी केला जात होता? याचे मुख्य पुरवठादार (पेडलर्स) कोण आहेत? याचा शोध आता पोलीस घेत आहेत.
या कारवाईबद्दल माहिती देताना पोलीस सहआयुक्त रंजन कुमार शर्मा म्हणाले, "शहरातील गुन्हेगारीवर नियंत्रण मिळवण्यासाठी आणि अनैतिक मानवी वाहतुकीला आळा घालण्यासाठी हे व्यापक सर्च ऑपरेशन राबवण्यात आले. जप्त करण्यात आलेले अमली पदार्थ आणि इंजेक्शनचे धागेदोरे शोधण्याचे काम गुन्हे शाखेकडे सोपवण्यात आलं आहे."