Ajit Pawar : अजितदादांसोबतच विमानात होती राष्ट्रवादीच्या नेत्याची मुलगी, प्लेन क्रॅशमध्ये पिंकी माळीचा हृदयद्रावक मृत्यू

कोण होत्या पिंकी माळी?

पिंकी माळी या प्रायव्हेट चार्टरमध्ये स्टाफ म्हणून काम करत होत्या. पिंकी माळी यांचे वडील शिवकुमार माळी हे राष्ट्रवादी काँग्रेसचे कार्यकर्ते आहेत.

अपघाताच्या एक दिवस आधी पिंकी माळी यांनी त्यांच्या कुटुंबासोबत संवाद साधला होता आणि उद्या बारामतीला जायचं आहे, असं सांगितलं होतं. स्वत: अजित पवार माळी कुटुंबासोबत बोलले होते. दरम्यान पिंकी माळी यांचं पार्थिव मुंबईमध्ये आणलं जाईल आणि त्यांच्यावर अंत्यसंस्कार केले जातील, असं महाराष्ट्र सरकारने माळी कुटुंबाला सांगितलं आहे.

advertisement

पिंकी माळी या तिसऱ्यांदा अजितदादांसोबत चार्टर विमानाने प्रवास करत होत्या. अजितदादांचं विमान नेमकं का कोसळलं? याचा तपास सुरू करण्यात आला आहे. घटनास्थळी बचाव कार्य करणाऱ्या टीमकडून कामाला सुरूवात झाली आहे.

बुधवारी सकाळी अजित पवार मुंबईवरून बारामतीकडे चार्टर प्लेनने रवाना झाले, पण बारामती विमानतळावर लॅन्डिंगच्या वेळी विमान कोसळलं. दाट धुक्यामुळे व्हिजिबिलिटी कमी असल्याने रनवे दिसण्यात अडचणी येत होत्या, त्यामुळे हा अपघात झाल्याची शक्यता वर्तवण्यात येत आहे. सकाळी 8.45 मिनिटांच्या आसपास Learjet 45XR (रजिस्ट्रेशन VT‑SSK)नावाचं चार्टर विमान मुंबईवरून बारामतीकडे जात होतं. हे विमान दिल्लीमधील VSR Aviation (VSR Ventures Pvt Ltd) नावाच्या कंपनीचं होतं.