TRENDING:
या प्रकरणी नांदगाव पेठ पोलिसांनी चेतन गणेश अंबाडकर आणि आकाश गणेश अंबाडकर (दोघेही रा. निर्मला कॉलनी, जुनीवस्ती, बडनेरा) या दोन भावांविरोधात गुन्हे दाखल केले आहेत. घटनेचा तपास केला जात आहे. ही घटना अमरावती जिल्ह्यात घडली.
नेमकी घटना काय?
पीडित तरुणीने दिलेल्या तक्रारीनुसार, २६ मे २०२५ रोजी रहाटगाव परिसरातील एका हॉटेलमध्ये कॉलेजच्या अंतिम वर्षाच्या विद्यार्थ्यांनी गेट-टुगेदर पार्टीचं आयोजन केलं होतं. या पार्टीत चेतन आणि आकाश हे दोघेही सहभागी झाले होते. चेतनने वर्धा जिल्ह्यातील आर्वी येथील पीडित विद्यार्थिनीला या पार्टीसाठी बोलावलं होतं. पार्टी सुरू असताना पीडितेच्या पेयात गुंगीचं औषध मिसळण्यात आलं. पेय प्राशन केल्यानंतर ती बेशुद्ध झाली. यानंतर आरोपी चेतन अंबाडकर याने हॉटेलमधील एका खोलीत नेऊन पीडितेवर अत्याचार केला, असा आरोप तक्रारीत करण्यात आला आहे.
advertisement
आक्षेपार्ह व्हिडीओ आणि ५ लाखांची मागणी
या अमानुष कृत्यानंतर आरोपींनी पीडितेचे आक्षेपार्ह फोटो आणि व्हिडीओ काढले होते. हेच व्हिडीओ सोशल मीडियावर व्हायरल करण्याची धमकी देत आरोपींनी पीडितेचा छळ सुरू केला. भीतीपोटी विद्यार्थिनीने तिला वेगवेगळ्या ठिकाणी बोलावून घेत तिच्यावर वारंवार अत्याचार केले. एवढंच नव्हे तर आरोपींनी तिच्याकडे ५ लाख रुपयांची मागणी देखील केली होती.
पीडितेने दाखवले धाडस
गेल्या सात-आठ महिन्यांपासून सुरू असलेल्या या छळाला कंटाळून अखेर पीडितेनं धाडस दाखवलं आणि तिने थेट नांदगाव पेठ पोलीस ठाण्यात धाव घेतली. तिने दोन्ही आरोपी भावांविरुद्ध तक्रार नोंदवली. पोलिसांनी या प्रकरणाची गंभीर दखल घेत दोन्ही आरोपींविरुद्ध गुन्हा दाखल केला असून पुढील तपास सुरू केला आहे.