TRENDING:
दिवसाढवळ्या झालेल्या या घटनेने माजलगाव तालुक्यात दहशतीचे वातावरण पसरले आहे. माजलगाव शहरातील हनुमान चौक येथे अमोल पंढरीनाथ गायके यांचे अमोल ज्वेलर्स नावाचे दुकान आहे. आज सकाळी ९ वाजता अमोल गायके माजलगाव शहरातून व्यवसाय करण्यासाठी मोटारसायकलवरून खेडेगावला जात होते. तालखेड फाट्याजवळ त्यांची मोटारसायकल आली असता पाठीमागून अज्ञात चोरटे चार चाकी वाहनातून त्याचा पाठलाग करत आले.
advertisement
सराफा व्यापाऱ्याला ६० लाखांना लुटलं
यावेळी त्यांनी सराफा व्यापाऱ्याच्या मोटरसायकलच्या समोर गाडी लावून कोयता, शस्त्राचा धाक दाखवला. जीवे मारण्याची धमकी दिली. व्यापाऱ्याच्या हातातील सोन्या चांदीची बॅग हिसकावली. ज्यात साडेतीनशे ग्रॅम सोन्याचे अलंकार होते. (ज्याची अंदाजे किंमत ५० लाख रुपये) तर तीन किलो चांदीचे अलंकार ज्याचे अंदाजे किंमत १० लाख रुपये असल्याची माहिती आहे.
दिवसाढवळ्या रोडवर दरोडा
अज्ञात चोरट्यांनी लागलीच घटनास्थळावरून पलायन केले. दिवसाढवळ्या घडलेल्या या रोड रॉबरीच्या (दरोडा) घटनेमुळे नागरिकांमध्ये भीतीचे वातावरण आहे. या प्रकरणी माजलगाव ग्रामीण पोलीस ठाण्यात अज्ञात चोरट्या विरोधत गुन्हा दाखल करण्यात आला आहे.