‘पेट्रोल नाही, तर कशाला हवी गाडी?’ तरुणाने भररस्त्यात लावली काडी; छ. संभाजीनगरमध्ये धक्कादायक प्रकार

नेमकं घडलं काय?

सध्या महाराष्ट्रातील अनेक ठिकाणी पेट्रोल-डिझेल टंचाईच्या अफवा पसरत आहेत. त्यामुळे पेट्रोलपंपावर वाहनांच्या रांगा लागल्याचे चित्र आहे. याच अफवेतून सिल्लोड येथे शरद भोजने याने स्वत:ची दुचाकी पेटवून दिली. मात्र, त्याने हे कृत्य नशेत आणि स्टंटसाठी केल्याचं सांगितलं जातंय.

रस्त्यावर फक्त मांसाचे तुकडे अन् रक्ताने माखलेला बूट उरला, छ.संभाजीनगरमधील मन हेलावून टाकणारी घटना

advertisement

दरम्यान, सिल्लोड-कन्नड रस्त्यावरील म्हसला फाटा येथे त्याने दुचाकी पेटवली. रस्त्यावर दुचाकी पेटवल्याने काही काळ वाहतूक कोंडी आणि गोंधळ निर्माण झाला होता. याचा व्हीडिओ समाज माध्यमांवर व्हायरल झाला. घटनेची माहिती मिळताच पोलिसांनी घटनास्थळी धाव घेतली. तसेच पाण्याचे टँकर मागवून दुचाकीला लागलेली आग आटोक्यात आणण्यात आली. त्यानंतर वाहतूक सुरुळीत झाली.

अफवांवर विश्वास नको

गेल्या काही दिवसांत समाज माध्यमांत पेट्रोल-डिझेल टंचाईच्या अफवा पसरत आहेत. मात्र, तशी कोणत्याही प्रकारची टंचाई नसून पंपावर पेट्रोल-डिझेल मिळत आहे. त्यामुळे वाहनधारकांनी अफवांना बळी न पडण्याचे आवाहन पोलिस निरीक्षक रवींद्र ठाकूर यांनी केले आहे.