TRENDING:
शाहेदा बेगम अनिस खान (वय 45), मोसीन खान अनिस खान (वय 28) आणि राणी खान मोसीन खान (वय 22, सर्व रा. कुरेशी पॅलेस, बायजीपुरा) अशी आरोपींची नावे आहेत.
या प्रकरणी करिश्मा नदीम खान (वय 26) यांनी जिन्सी पोलीस ठाण्यात फिर्याद दिली आहे. तक्रारीनुसार करिश्मा खान या मागील नऊ महिन्यांपासून पती आणि चार मुलांसह कुरेशी पॅलेस परिसरात भाड्याच्या खोलीत राहत आहेत. घरमालकीण शाहेदा बेगम खान या वारंवार घरातील बेकरीचा कचरा फिर्यादीच्या खोलीसमोर टाकत असल्याने दोघांमध्ये सतत वाद होत होता.
advertisement
गर्भवती महिलेचं घरपणच उध्वस्त झालं
15 जानेवारी रोजी रात्री साडेनऊच्या सुमारास घरमालकीणने पुन्हा खोलीसमोर कचरा टाकल्याने करिश्मा खान यांनी त्याबाबत जाब विचारला. त्यावरून शाहेदा बेगम खान हिने शिवीगाळ करण्यास सुरुवात केली. याचवेळी तिचा मुलगा मोसीन खान आणि सून राणी खान तेथे आले. तिघांनी मिळून फिर्यादी महिलेला मारहाण केल्याचा आरोप आहे.
दरम्यान शाहेदा बेगम खान यांनी गर्भवती असलेल्या करिश्मा खान यांच्या पोटात जोरात लाथ मारली. त्यामुळे त्या खाली कोसळल्या. त्यानंतर वैद्यकीय तपासणीत करिश्मा खान यांचा गर्भपात झाल्याचे स्पष्ट झाले असल्याचे पोलिस तपासात उघड झाले आहे.
घटनेनंतर तिन्ही आरोपी घटनास्थळावरून पळून गेले. या प्रकरणात जिन्सी पोलीस ठाण्यात गुन्हा दाखल करण्यात आला आहे. आरोपींनी अटकपूर्व जामिनासाठी न्यायालयात अर्ज केला होता. सहायक लोकाभियोक्ता राजू पहाडीया यांनी न्यायालयात युक्तिवाद करताना, गुन्हा घडल्यापासून आरोपी फरार असून गुन्ह्याचे स्वरूप अत्यंत गंभीर आहे, त्यामुळे अटकपूर्व जामीन नाकारावा, अशी मागणी केली होती. त्यानंतर न्यायालयाने तिघांचाही अटकपूर्व जामीन अर्ज फेटाळून लावला.