TRENDING:
धाराशिवच्या परंडा विधानसभा मतदारसंघात जवळा जिल्हा परिषद निवडणूक यंदा चांगलीच गाजली. राज्याचे माजी आरोग्यमंत्री तानाजी सावंत यांना त्यांचेच पुतणे धनंजय सावंत यांनी थेट आव्हान दिलं होतं. धनंजय सावंत याांनी सेनेत बंडखोरी करून स्वबळावर निवडणूक लढवली होती. अखेरीस मतमोजणीत जवळा जिल्हा परिषद गटातून धनंजय सावंत विजयी झाले आहे. 2443 मतांनी सावंत विजयी झाले आहे.
advertisement
तानाजी सावंत यांचा परंडा हा बालेकिल्ला मानला जातो. मात्र, घरातीलच व्यक्तीने बंडखोरी करून काकांची डोकेदुखी वाढवली होती. धनंजय सावंत यांनी भाजपसोबत जाण्याचा निर्णय घेतला होता. स्वतः धनंजय सावंत हे निजाम जवळा गटातून जिल्हा परिषदेची निवडणुकीसाठी अर्ज दाखल केला होता. या निवडणुकीत धनंजय सावंत यांनी अपक्ष म्हणून आपला उमेदवारी अर्ज दाखल केला होता. पुतण्या धनंजय सावंत यांनीच आव्हान दिल्यामुळे तानाजी सावंत यांची प्रतिष्ठपणाला लागली होती.
खासदार निंबाळकरांचंही होतं आव्हान
तर दुसरीकडे जवळा जिल्हा परिषदेसाठी ठाकरे गट आणि राष्ट्रवादी शरद पवार गटाचं आव्हान होतं. ठाकरे गटाचे खासदार ओमराजे निंबाळकर यांनी या ठिकाणी विशेष लक्ष दिलं होतं. त्यामुळे सावंत विरुद्ध निंबाळकर अशी सुद्धा लढत होती. पण जवळामध्ये धनंजय सावंत हे धुरंदर ठरले आहे. खासदार आणि काका माजी मंत्री तानाजी सावंत यांचा पराभव करून धनंजय सांत विजयी झाले. या विजयानंतर त्यांच्या समर्थकांनी एकच जल्लोष केला.
म्हणून काका विरोधात मैदानात
धनंजय सावंत यांनी काका तानाजी सावंत यांच्याकडे शिवसेनेकडून तिकीट मिळेल अशी अपेक्षा होती. पण, जवळच्या कार्यकर्त्यांना तिकीट मिळालं नाही. त्यामुळे नाराज झालेल्या धनंजय सावंत यांनी काकांच्या विरोधात निवडणूक लढवण्याचं ठरवलं. कार्यकर्त्यांची गरज संपली की चप्पल सारखं सोडून नेता पुढे जातो, माझी गरज संपली म्हणून मला १० महिन्यांपासून बोलावलं नव्हतं, असं म्हणत धनंजय सावंत यांनी काकांच्या विरोधात आपली नाराजी बोलून दाखवली होती. त्यानंतर सावंत यांनी अपक्ष निवडणूक लढवली आणि जिंकली.