12 लाख वर्षांपूर्वीच्या मानव संस्कृतीचे दुर्मिळ पुरावे, डेक्कन कॉलेजच्या पुरातत्त्व विभागात अनोखा ठेवा, Video

आजपर्यंत डेक्कन कॉलेजच्या पुरातत्त्व विभागाने भारतभर 100 ते 150 हून अधिक उत्खनने केली आहेत. या उत्खननांमधून अश्मयुग, ताम्रपाषाण संस्कृती, ऐतिहासिक काळ अशा विविध टप्प्यांतील मानव संस्कृतीचे महत्त्वपूर्ण अवशेष उजेडात आणले आहेत. विशेष म्हणजे, कॉलेजच्या संग्रहालयात सुमारे 12 लाख वर्षांपूर्वीच्या अश्मयुगीन मानवाचे पुरावे जतन करून ठेवण्यात आले आहेत. हे पुरावे माणसाच्या उत्क्रांतीच्या सुरुवातीच्या टप्प्यांची माहिती देणारे अत्यंत दुर्मिळ अवशेष मानले जातात.