TRENDING:
राज्याच्या पहिल्या उपमुख्यमंत्री सुनेत्रा पवार या शपथविधी घेतल्यानंतर बारामतीमध्ये सहयोग या निवासस्थानी उपस्थित होत्या. यावेळी सांत्वन भेटीसाठी राज्यभरातून अजितदादांवर प्रेम करणारे कार्यकर्ते पदाधिकारी भेटीसाठी पोहोचले आहे. या ठिकाणी अजित पवार यांचे कनिष्ठ सुपुत्र जय पवार, अजित पवार यांचे बंधू श्रीनिवास पवार, शर्मिला पवार, नीताताई पाटील, विजया पाटील, राजेंद्र पवार उपस्थित आहेत.
advertisement
यावेळी मोठ्या संख्येनं अजितदादांवर प्रेम करणारे कार्यकर्ते, पदाधिकारी आणि बारामतीकर आले होते. या गर्दीत एक दिव्यांग व्यक्ती आली होती. पायाने दिव्यांग असलेल्या व्यक्तीला पाहून उपस्थितीत कार्यकर्ते भावुक झाले होते. अजितदादांनी काय कमावलं असेल तर ही माणसं कमावली, अशी भावना कार्यकर्त्यांनी व्यक्त केली.
अजित पवार यांच्या अस्थी बाणगंगेत विसर्जित
दरम्यान, राष्ट्रवादी काँग्रेसचे राष्ट्रीय अध्यक्ष आणि उपमुख्यमंत्री अजित पवार यांच्या अस्थींचे विसर्जन वाळकेश्वर येथील बाणगंगा इथं अस्थी विसर्जन करण्यात आलं. राज्यातील ३६ जिल्ह्यांमध्ये अस्थी विसर्जन करण्यात येणार आहे. मुंबईत प्रथम अस्थी विसर्जन करण्यात आलं. यावेळी आमदार सना मलिक, माजी आमदार जिशान सिद्दिकी, मुंबईतील सर्व जिल्हा अध्यक्ष आणि कार्य अध्यक्ष शिवाजीराव नलावडे, सिद्धार्थ कांबळे या वेळी उपस्थित होते. या प्रसंगी राष्ट्रवादीचे मुंबई प्रदेशचे सर्व पदाधिकारी उपस्थित होते.