पठ्ठ्या मालकाचे 50 हजार ऑनलाईन रमीत हारला अन् दिली चोरीची तक्रार, पोलिसांनी घडवली जन्माची अद्दल

घटनेबाबत अधिक माहिती अशी की, या प्रकरणातील आरोपीचं नाव नितीन चिपाडे असं आहे. नितीन चिपाडे हा आपल्या मालकाचे पन्नास हजार रुपये ऑनलाईन रमीमध्ये हारला. त्यानंतर त्याने पैसे चोरीला गेल्याचा बनाव रचला. रात्रीच्या वेळी चोरांनी आपले पैसे दमदाटी करून चोरल्याची तक्रार त्यानं पोलीस ठाण्यात दाखल केली.

पोलिसांनी तरुणाने दिलेल्या तक्रारीनुसार गुन्हा दाखल करून तपास सुरू केला असता धक्कादायक माहिती समोर आली. समोर आलेल्या माहितीमुळे पोलीसही चक्रावले. हा तरुण पन्नास हजार रुपये ऑनलाईन रमीमध्ये हारला, त्यानंतर त्याने चोरीचा बनाव केल्याचं पोलीस तपासात समोर आलं. या प्रकरणात पोलिसांनी संबंधित तरुण आणि त्याला खोटी तक्रार देण्याचा सल्ला देणाऱ्या त्याच्या दोन मित्रांवर गुन्हा दाखल केला आहे.

advertisement