Bigg Boss Marathi 6 : लय भारी! तुम्ही आजवर कधीच पाहिलं नसेल इतकं क्युट बिग बॉस

बिग बॉस मराठी 6 च्या नव्या एपिसोडचा प्रोमो समोर आला आहे. ज्यात बिग बॉस मराठीच्या घरात शाळा भरलेली दिसते आहे. सगळे सदस्य विद्यार्थी बनले आहेत. शाळेचा युनिफॉर्म घालून तयार झाले आहेत आणि शाळेत येऊन मजामस्ती करताना दिसत आहेत.

प्रोमोच्या व्हिडीओत तुम्ही पाहू शकता सुरुवातीला राकेश प्रभूला उचलून घेऊन येताना दिसतो. त्यानंतर सागर पावडर आणि काजळाचे टिळे लावून येतो. गालावर आणि कपाळावर त्याने काजळ लावली आहे. लहानपणी आई जशी आपल्या मुलांना अगदी शाळेत तयार करून पाठवायची अगदी तसंच तो तयार होऊ आला आहे. "माझ्या आईने मेकअप केला आहे", असं म्हणत तो येताना दिसतो. त्याला पाहताच क्षणी हसू फुटतं.

यानंतर अनुश्री सहाचा पाढा बोलताना दिसते आणि ती चुकते. त्यानंतर विशालकडे बोट दाखवत राखी रुचिताला म्हणते, "तो मला आवडतो आहे" यावर रुचिता तिला म्हणते, "मॉन्ट्या माझा आहे" आणि विशालसह सगळे खदखदून हसतात. शेवटी सागर बोलतो, "बिग बॉस तुमचा आशीर्वाद आहे". यावर बिग बॉस म्हणतात, "आशीर्वादपर्यंत ठिक आहे, वाद नको"

बिग बॉसचा हा प्रोमो पाहिल्यानंतर प्रेक्षकांना हा एपिसोड पाहण्याची उत्सुकता अधिकच आहे. प्रेक्षकांना सदस्यांचा हा विद्यार्थी लूक खूप आवडला आहे. विशेषत: सागर आणि राखीच्या लूकचं सगळ्यांना कौतुक केलं आहे. राखी लय भारी दिसते, अशी कमेंट एका युझरने केली आहे. तसंच राकेशही क्युट दिसत असल्याचं म्हटलं आहे. तर करणला दाढीवाला विद्यार्थी असं म्हटलं आहे.

तुम्हाला बिग बॉसच्या घरातील ही शाळा आणि विद्यार्थी कसे वाटले, तुम्हाला कोणता विद्यार्थी आवडला आम्हाला आमच्या सोशल मीडियाच्या कमेंट बॉक्समध्ये नक्की सांगा.