TRENDING:
जिल्हा परिषद बिनविरोध उमेदवार
१) खारेपाटण जिल्हा परिषद प्राची इस्वालकर (भाजप)
२)बांदा जिल्हा परिषद प्रमोद कामत (भाजप)
३)जाणवली जिल्हा परिषद रुहिता तांबे (शिंदे शिवसेना)
४)पडेल जिल्हा परिषद सुयोगी घाडी (भाजप)
५)बापर्डे जिल्हा परिषद अवनी तेली (भाजप)
६) पोंगुर्ले जिल्हा परिषद अनुराधा नारकर (भाजप)
७)किंजवडे जिल्हा परिषद सावी लोके (भाजप)
८) कोळपे जिल्हा परिषद प्रमोद रावराणे (भाजप)
advertisement
सावंतवाडी आणि वेंगुर्ला आघाडीवर
जिल्ह्यातील आठ तालुक्यांपैकी सावंतवाडी तालुक्याने सर्वाधिक मतदानाचा मान पटकावला. येथे तब्बल ६९.५४ टक्के मतदारांनी मतदानाचा हक्क बजावला. सावंतवाडीपाठोपाठ वेंगुर्ला तालुक्यात ६९.०३ टक्के मतदानाची नोंद झाली. या दोन्ही तालुक्यांत मतदारांचा उत्साह दिवसभर कायम होता.
वैभववाडीत मतदानाचा टक्का कमी
दुसरीकडे, वैभववाडी तालुक्यात मतदानाचा उत्साह तुलनेने कमी असल्याचे चित्र पाहायला मिळाले. येथे केवळ ५४.७९ टक्के मतदान झाले, जे जिल्ह्यातील सर्वात कमी प्रमाण ठरले. स्थानिक पातळीवरील काही कारणांमुळे मतदारांचा प्रतिसाद अपेक्षेप्रमाणे मिळाला नसल्याचे बोलले जात आहे.
तालुकानिहाय मतदानाची स्थिती
सावंतवाडी तालुक्यातील १ लाख ४ हजार मतदारांपैकी ७२,३१९ मतदारांनी मतदान केले.वेंगुर्ला तालुक्यात ५८,७८५ पैकी ४०,५७९ मतदारांनी कौल दिला.कुडाळ तालुक्यातील १,१६,६३० मतदारांपैकी ७०,०७७ मतदारांनी मतदानाचा हक्क बजावला, म्हणजेच ६०.०८ टक्के मतदान झाले.
दोडामार्ग तालुक्यात ५९.८३ टक्के, तर कणकवलीत ५९.८१ टक्के मतदान नोंदवले गेले.मालवण तालुक्यात ५८.९० टक्के, तर देवगड तालुक्यात ५७.१२ टक्के मतदान झाले.
वैभववाडी तालुक्यात ३१,९९१ मतदारांपैकी १७,५२९ मतदारांनी मतदान केले.
एकूण मतदानाचा आढावा
संपूर्ण सिंधुदुर्ग जिल्ह्यात एकूण ५,६१,१०५ मतदार असून त्यापैकी ३,४७,७४९ मतदारांनी मतदानाचा हक्क बजावला आहे.
सिंधुदुर्ग जिल्ह्यातील पाच मोठ्या लढती
नेरूळ - देऊळवाडा रुपेश पावसकर भाजप (बंडखोर) विरूद्ध संजय पडते (शिंदे शिवसेना) भाजपमधील अंतर्गत बंडखोरीमुळे ही लढत चुरशीची ठरली.
कोलगाव- (महेश सारंग भाजप) भाजपचे अधिकृत उमेदवार विरूद्ध मायकल डिसोजा भाजप (बंडखोर) कोलगावमध्ये भाजप विरुद्ध भाजप बंडखोर असा सामना रंगणार रंगला.
आडेली- सुमेधा नाईक भाजप पुरस्कृत विरूद्ध विजय नाईक(ठाकरे सेना) ठाकरे सेना महाविकास आघाडी विरुद्ध महायुती असा थेट संघर्ष.
माटणे- दीपक गवस (भाजप)अधिकृत उमेदवार विरूद्ध बाबुराव धुरी (ठाकरे सेना) विरूद्ध राजन म्हापसेकर(भाजप (बंडखोर) म्हापसेकर यांच्या बंडखोरीमुळे माटणे मतदारसंघात तिरंगी लढत
तळवडे- रुपेश राऊळ(ठाकरे सेना) विरूद्ध संदीप गावडे (भाजप)