TRENDING:
नेमकी घटना काय?
मिळालेल्या माहितीनुसार, काबुल शेख (४०-४५ वर्षे) हे व्यावसायिक असून, ते ओझर परिसरात हॉटेल चालवायचे. शनिवारी रात्री काम आटोपून ते आपल्या भाचीला दुचाकीवर बसवून घरी परतत होते. मुंबई-आग्रा महामार्गावरून जात असताना रिलायन्स पेट्रोल पंपाजवळ मागून भरधाव वेगाने आलेल्या एका कारने त्यांच्या दुचाकीला जोरदार धडक दिली. धडक इतकी भीषण होती की, दुचाकीवरील काबुल शेख आणि त्यांची भाची हवेत उडून रस्त्यावर फेकले गेले.
advertisement
दुचाकीला २०० फूट फरपटत नेलं
कारचा वेग अत्यंत जास्त होता. त्यामुळे कारने धडक दिल्यानंतर दुचाकीला तब्बल २०० फुटांपर्यंत फरपटत गेले. या अपघातात शेख यांच्या डोक्याला गंभीर दुखापत झाल्याने त्यांचा जागीच मृत्यू झाला. तर सोबत असलेली त्यांची भाची देखील गंभीर जखमी झाली असून त्यांची प्रकृती चिंताजनक असल्याचं समजतं. घटनेची माहिती मिळताच ओझर पोलीस स्टेशनचे पथक तातडीने घटनास्थळी दाखल झाले. पोलिसांनी मृतदेह ताब्यात घेऊन शवविच्छेदनासाठी पाठवला असून, अपघाताचा गुन्हा दाखल करण्याचे काम सुरू आहे.
एका हॉटेल व्यवसायिकाचा अशाप्रकारे अपघातात मृत्यू झाल्याने ओझर परिसरात शोककळा पसरली आहे. रात्रीच्या वेळी महामार्गावर होणाऱ्या वेगामुळे सुरक्षिततेचा प्रश्न पुन्हा एकदा ऐरणीवर आला आहे. पोलीस आता परिसरातील सीसीटीव्ही फुटेज तपासत असून नेमका अपघात कसा घडला? याची माहिती गोळा केली जात आहे.