TRENDING:
नेमकं प्रकरण काय?
मिळालेल्या माहितीनुसार, भोंदू खरातने कांदा व्यापाऱ्याला प्लॉट विक्री व्यवसायात गुंतवणुकीचं आमिष दाखवलं होतं. त्याने व्यापाऱ्याकडून ६० लाख रुपये किंमत असलेली जागा वृद्धाश्रमाच्या नावावर केवळ २२ लाख २५ हजार रुपयांत खरेदी केली. इतकेच नाही, तर वृद्धाश्रमाच्या जागेच्या बदल्यात चांगल्या लोकेशनवर जागा मिळवून देण्याचं आश्वासन आरोपीनं दिलं होतं. यातून त्याने व्यापाऱ्याकडून तब्बल ८५ लाख रुपये उकळले, परंतु कोणतीही जागा दिली नाही.
advertisement
... अन्यथा तुझ्यावर देवाचा कोप होईल
आरोपी खरातने कांदा व्यापाऱ्याची केवळ आर्थिक फसवणूकच केली नाही , तर त्याने व्यापाऱ्याला मानसिकरित्या त्रासही दिला. जेव्हा व्यापाऱ्याने आपल्या पैशांचा किंवा जागेचा तगादा लावला, तेव्हा "जागेसाठी तगादा लावू नकोस, अन्यथा तुझ्यावर देवाचा कोप होईल आणि तुझे वाईट होईल," अशा शब्दांत शाप देत खरातने व्यापाऱ्याला घाबरवलं. मागील अनेक दिवसांपासून आरोपी अशाप्रकारे छळ करत होता.
अशोक खरातचं महिला लैंगिक छळाचं प्रकरण उघडकीस आल्यापासून त्याचा गुन्हेगारी कृत्यांचा आलेख वाढतच चालला आहे. भोंदू खरातवर आतापर्यंत एकूण १२ गुन्हे दाखल झाले आहेत. यामध्ये ८ गुन्हे हे गंभीर स्वरूपाचे लैंगिक शोषणाचे आहेत, तर ४ गुन्हे हे आर्थिक फसवणुकीचे आहेत. आता या नव्या प्रकरणात सरकारवाडा पोलीस ठाण्यात गुन्हा दाखल केला आहे. या प्रकरणाचा अधिक तपास करत पोलीस करत असून खरातच्या संपर्कात असलेले आणखी कोणी फसवणुकीचे बळी पडले आहेत का? याचा शोध घेतला जात आहे.