TRENDING:
दरम्यान, अल्पवयीन मुलांना टु व्हिलर किंवा फोर व्हिलर वाहनं चालवायला देणे हा गंभीर गुन्हा आहे. या प्रकरणी आई- वडीलांना 25 हजार रुपयांपर्यंत दंड ठोठावण्यात येतो. शिवाय, त्यांच्यावर कायदेशीर कारवाई होऊ शकते, असा इशाराही वाहतूक पोलीस सचिन जाधव यांनी पालकांना दिला. सिग्नलवर बसवण्यात आलेल्या एआय कॅमेऱ्यांमुळे वाहतूक नियमांचे उल्लंघन करणार्यांवर काटेकोर कारवाई होत असल्याचे नमूद केले. महाराष्ट्रामध्ये अल्पवयीन मुलांकडून मोठ्याप्रमाणावर अपघाताचे प्रमाण वाढत आहे. या सर्वांवर आळा घालण्यासाठी नाशिकच्या वाहतूक पोलिसांनी थेट शाळेतच जाऊन नागरिकांना मोलाचा मंत्र दिला आहे.
advertisement
'वाहतूक सुरक्षितता आणि महिलांचे कायदे' या विषयावर नाशिकमधील डे- केअर सेंटर प्राथमिक शाळेमध्ये पालक सभा भरवण्यात आली होती. यावेळी पालक, शाळेतील शिक्षक आणि मुख्याध्यापकही उपस्थित होते. वाहन चालविताना लायसन्स, आरसी बुक, पीयूसी आणि इन्शुरन्स ही कागदपत्रे सोबत ठेवणे ही गोष्ट बंधनकारक असल्याचे त्यांनी पालकांसमोर स्पष्ट केले. अनेक पालक आपल्या पाल्यांसाठी स्पेशल व्हॅन लावतात. त्यांच्यासाठी ही आरटीओ पोलिसांनी महत्त्वाच्या त्रुटी दिलेल्या आहेत. शाळेच्या व्हॅनचा रंग पिवळा असावा, ड्रायव्हरकडे लायसन्स असावं. त्याने ड्रायव्हरचा युनिफॉर्म परिधान केलेला असावा आणि त्याला कोणतेही व्यसन नसावे, याची खात्री पालकांनी करावी, अशा त्रुटी पोलिसांनी पालकांना सांगितल्या.
शाळेच्या व्हॅनमध्ये एकाचवेळी 17 विद्यार्थ्यांनाच बसवण्याचीच परवानगी आहे, मुला- मुलींना वेगळं बसवावं, विद्यार्थी गाडीमध्ये असताना मोठ्या आवाजात गाणी लावू नये. तर, यावेळी वाहतूक पोलिसांकडून इयत्ता सातवीच्या पाच विद्यार्थ्यांना सुरक्षारक्षकाचा बॅच देऊन गौरव करण्यात आला. या कार्यक्रमामुळे विद्यार्थ्यांमध्ये आणि पालकांमध्ये सुरक्षितता जागरूक वाढवण्यासाठी मदत होणार आहे. महिलांच्या सुरक्षिततेच्या दृष्टीने 112 हा हेल्पलाइन क्रमांक महत्त्वाचा असून, अवघ्या काही मिनिटांत मदत उपलब्ध होते. तसेच 9923323311 या व्हॉट्सॲप क्रमांकावर तक्रार, फोटो किंवा मेसेजच्या माध्यमातून पाठवूनही मदतकर्त्याला मदत मिळू शकते.