पुण्यात मध्यरात्री थारचा थरार, मद्यधुंद चालकाने उडवली वाहनं, पोर्शे प्रकरणाची आठवण

मिळालेल्या माहितीनुसार थार गाडीने चौकात थांबलेल्या अनेक वाहनांना धडक दिली. एका रहिवासी इमारतीची संरक्षण भिंत तोडत चालकाने गाडी आत घुसवली. अपघात झाल्यावर गर्दीचा फायदा घेत चालकाने पळ काढला.

सुदैवाने या अपघातात कुठलीही जीवितहानी झाली नाही. परंतु अपघात इतका भीषण होता की अनेक वाहनांचे मोठे नुकसान झाले. पुण्यातील विमान नगर भागात असलेल्या सी सी डी चौकात हा सगळा प्रकार घडला.

advertisement

सूत्रांनी दिलेल्या माहितीनुसार संबंधित चालक हा नशेत होता अशी प्राथमिक माहिती आहे. गाडीमध्ये एकूण २ जण होते. त्यातील एकाला ताब्यात घेतल्याची माहिती पोलिसांनी दिली असून संबंधित वाहन चालकाचा शोध सुरू आहे.