जत जिल्हा परिषद निवडणूक निकाल 2026 : जत तालुक्यात कुणाची हवा? निकाल लागला आता सत्ता कुणाची?

जाडर बोबलाद सारख्या हाय व्होल्टेज गटात अत्यंत लक्षवेधी लढत होत आहे. येथे जिल्हा परिषदेच्या माजी सभापतींच्या पत्नी सावित्री रवी-पाटील (राष्ट्रवादी अजित पवार गट) आणि भागश्री संजय तेली (भाजप) यांच्यात काट्याची टक्कर आहे. या दोन प्रबळ उमेदवारांच्या संघर्षामुळे या गटातील निकाल नेमका काय लागतो, याकडे राजकीय विश्लेषकांचे डोळे लागले आहेत.

आजच्या मतमोजणीसाठी प्रशासनाने जतमध्ये कडेकोट सुरक्षा व्यवस्था तैनात केली आहे. तालुक्यातील 9 गटांत झालेल्या मतदानाचा कौल पाहता, अनेक ठिकाणी धक्कादायक निकाल लागण्याची शक्यता वर्तवली जात आहे. दुपारी 1 वाजेपर्यंत जतच्या मिनी मंत्रालयाचा नवा कारभारी कोण असेल, याचे चित्र पूर्णपणे स्पष्ट होईल आणि विजयाचा गुलाल कोणाच्या वाट्याला येतो, हे समजेल.

advertisement