जत जिल्हा परिषद निवडणूक निकाल 2026 : जतमधील विजयी उमेदवारांची यादी, कुणी मारली बाजी?

जत तालुक्यात पाणी हा नेहमीच कळीचा मुद्दा राहिला असून, यंदाही प्रचारामध्ये म्हैसाळ योजनेच्या विस्तारीकरणाचा विषय केंद्रस्थानी होता. आमदार पडळकर यांनी जतच्या विकासासाठी अनेक नवीन घोषणा केल्या आहेत, तर महाविकास आघाडीने भाजपच्या मागील काळातील अपयशावर बोट ठेवले आहे. या दोन परस्परविरोधी विचारसरणींपैकी जतची जनता कोणाच्या पारड्यात आपले माप टाकते, हे आता लवकरच समोर येईल.

advertisement

आजच्या मतमोजणीसाठी प्रशासनाने जतमध्ये कडेकोट सुरक्षा व्यवस्था तैनात केली होती. तालुक्यातील 9 गटांत झालेल्या मतदानाचा कौल पाहता, अनेक ठिकाणी धक्कादायक निकाल लागण्याची शक्यता वर्तवली जात आहे. आज जतच्या मिनी मंत्रालयाचा नवा कारभारी कोण असेल, याचे चित्र पूर्णपणे स्पष्ट होईल आणि विजयाचा गुलाल कोणाच्या वाट्याला येतो, हे समजेल.