TRENDING:
विश्वजीत कदमांचा करिष्मा
कडेगाव तालुक्यामध्ये काँग्रेसचे आमदार विश्वजीत कदम यांचा करिष्मा पहायला मिळाला आहे. कडेगाव तालुक्यातील 4 जिल्हा परिषद गटात काँग्रेसचे चारही उमेदवार विजयी झाले आहेत. तर कडेगाव पंचायत समितीच्या 8 जागांपैकी 7 जागांवर काँग्रेसचे उमेदवार विजयी तर केवळ एका जागेवर भाजपचा विजय झालाय. कडेगाव पंचायत समितीवर काँग्रेसची एकहाती सत्ता आली आहे.
advertisement
चिंचणी गणात देखील असाच चुरशीचा सामना पाहायला मिळत असून, तिथे आमदार विश्वजीत कदम यांचे पुतणे दिग्विजय शांताराम कदम काँग्रेसच्या चिन्हावर निवडणूक लढवत होते. त्यांच्या विरोधात भाजपने कुलदीप सर्जेराव औताडे यांना उतरवून मोठे आव्हान उभे केले आहे. कडेगाव आणि देवराष्ट्रे यांसारख्या प्रतिष्ठेच्या गटांमध्ये देखील 'काटे की टक्कर' असल्याने विजयाचे अंतर खूपच कमी राहण्याची शक्यता होती.
हेही वाचा: महाराष्ट्र जिल्हा परिषद पंचायत समिती निवडणूक निकाल २०२६ चे लाईव्ह अपडेट्स
आज सकाळी 10 वाजल्यापासून कडेगाव येथे मतमोजणीला सुरुवात झाली असून, कडेकोट पोलीस बंदोबस्त तैनात करण्यात आला आहे. दुपारी 2 वाजेपर्यंत तालुक्यातील सर्व 4 गटांचे आणि 8 गणांचे चित्र पूर्णपणे स्पष्ट होईल. कडेगावचा हा निकाल केवळ तालुक्यापुरता मर्यादित नसून, जिल्ह्याच्या सत्तेच्या समीकरणात भाजप आपली पकड कायम ठेवणार की काँग्रेस पुन्हा एकदा बाजी मारणार, हे आता लवकरच समोर येईल.