घरापासून हाकेच्या अंतरावर असताना काळाचा घाला, बाजार करून येणाऱ्या पती-पत्नीचा मृत्यू

भंगाराच्या ढिगाऱ्याखाली गुदमरला श्वास!

देशमुख वस्तीजवळच्या वळणावर मागून येणाऱ्या एका भंगाराने भरलेल्या ट्रकने दुचाकीला जोरदार धडक दिली. भंगाराचं सामान जास्त होतं. ट्रक पूर्ण आडवा झाला आणि भंगाराचं सामान कोसळलं. धडक इतकी भयानक होती की, रामचंद्र बनसोडे यांचा जागीच जीव गेला. त्यांचा मृतदेह आणि दुचाकी टेम्पोतून सांडलेल्या भंगाराच्या ढिगाऱ्याखाली दबले गेले. परिस्थिती इतकी बिकट होती की, त्यांना बाहेर काढण्यासाठी चक्क दोन क्रेन बोलावून ते लोखंडी भंगार बाजूला करावं लागलं.

advertisement

पतीचा जागीच मृत्यू, पत्नीची मृत्यूशी झुंज अपयशी

लक्ष्मी बनसोडे रस्त्याच्या दुसऱ्या बाजूला फेकल्या गेल्या. गंभीर दुखापत झाली रक्तस्त्राव झाला, स्थानिकांनी त्यांना तातडीने रुग्णालयात हलवलं. डॉक्टरांनी शर्थीचे प्रयत्न केले, पण त्यांचाही उपचारादरम्यान जास्त रक्तस्राव झाल्यामुळे मृत्यू झाला. ज्या संसाराचा गाडा दोघांनी मिळून आयुष्यभर ओढला, त्या संसाराचा अंतही एकाच वेळी, एकाच अपघातात झाला.

अपघातानंतर टेम्पो उलटला तिथे भंगाराच्या ढिगाऱ्यात या दांपत्याचा बाजार आणि त्यांची स्वप्नं विखुरली होती. या अपघातामुळे सांगोला-पंढरपूर रस्त्यावर काही काळ वाहतूक ठप्प झाली होती. रात्री उशिरापर्यंत पोलीस या घटनेची नोंद करत होते, मात्र बामणी गावात या बातमीने शोककळा पसरली आहे. घर अगदी काही अंतरावर असताना हा भीषण अपघात झाला आणि दाम्पत्याचा मृत्यू झाल्याने हळहळ व्यक्त केली जात आहे.