मंत्री जयकुमार गोरे यांच्या एका डोळ्यात आसू-एका डोळ्यात हसू, भाऊ हरला-वहिनी जिंकली!

जयकुमार गोरे यांचा भाऊ हरला

जयकुमार गोरे यांचे बंधू अरुण गोरे यांचा माण तालुक्यातील कुकडवाड गटात धक्कादायकरित्या पराभव झाला. त्यांच्या पराभवाने जयकुमार गोरे यांना मोठा धक्का बसला. अरुण गोरे यांना निवडून आणण्यासाठी जयकुमार गोरे यांनी मोठी ताकद लावली. पण मतदारांनी अरुण गोरे यांना नाकारले.

हेही वाचा: महाराष्ट्र जिल्हा परिषद पंचायत समिती निवडणूक निकाल २०२६ चे लाईव्ह अपडेट्स

advertisement

जयकुमार गोरे यांची वहिनी विजयी

दुसरीकडे औंध जिल्हा परिषद गटातून जयकुमार गोरे यांच्या वहिनी भारती गोरे यांनी विजय मिळवला. राष्ट्रवादीच्या मनिषा फडतरे यांचा भारती गोरे यांनी पराभव केला. आधी

राष्ट्रवादीच्या मनिषा फडतरे या 40 मतांनी जिंकल्या अशी घोषणा करण्यात आली. परंतु फेरमतमोजणीत भारती गोरे यांनी विजय मिळवला.

मंत्री जयकुमार गोरे यांच्या एका डोळ्यात हसू एका डोळ्यात आसू

जयकुमार गोरे यांनी बंधू आणि वहिनींसाठी मोठी ताकद पणाला लावली, कार्यकर्ते पदाधिकाऱ्यांना कामाला लावले. मात्र मतदारांनी अरुण गोरे यांना नाकारून भारती गोरे यांना साथ दिली. त्यामुळे मतमोजणीच्या दिवशी 'कहीं खुशी कही गम' अशी जयकुमार गोरे यांची अवस्था होती.