TRENDING:
'आम्ही बहुतांश डबेवाले आणि डबेवाल्यांचे कुटुंबिय शिवसेना पक्षप्रमुख उद्धव ठाकरे यांच्यासोबत प्रामाणिक राहिलो आणि यापुढेही राहू. पण मराठा आरक्षण लढ्याची पार्श्वभूमी पाहता आणि मनोज जरांगे पाटील यांनी सरकारला दिलेला अल्टिमेटम पाहता यावर्षी डबेवाला शिवतिर्थावर दसरा मेळाव्याला उपस्थित राहणार नाही,' असं मुंबई डबेवाला असोशिएशनचे अध्यक्ष सुभाष तळेकर यांनी सांगितलं आहे.
'पहिले मराठा आरक्षण मग नंतर पक्ष, अशी आमची भूमिका आहे. मराठा आरक्षण हा आमच्या मराठा जातीचा लढा आहे आणि तो लढा आम्हाला लढावा लागणार आहे. सध्या या लढ्याचं नेतृत्व मनोज जरांगे पाटील करत आहेत. या लढ्यात आम्ही त्यांच्यासोबत आहोत,' असं सुभाष तळेकर म्हणाले.
advertisement
'आम्हाला बाळासाहेब ठाकरे, उद्धव ठाकरे यांचं नेतृत्व मान्य असल्यामुळे आम्ही शिवतिर्थावरच्या दसरा मेळाव्याला वाजत गाजत गुलाल उधळत जात होतो. मुंबईचे डबेवाले शिवसेनेसोबत कालही होते, आजही आहेत आणि उद्याही राहतील, पण मराठा आरक्षणाच्या पार्श्वभूमीवर आम्ही मनोज जरांगे पाटील यांच्या आवाहनाला प्रतिसाद दिला आहे. पहिले मराठा आरक्षण मग पक्ष ही आमची भूमिका राहणार आहे. जरांगे पाटील यांच्या लढ्याला शक्य तितकं बळ देण्याचा आमचा प्रयत्न राहील,' अशी प्रतिक्रिया सुभाष तळेकर यांनी दिली.