भिवंडीतील पडघा येथे शिवसेना नेते प्रकाश पाटील यांच्या उपस्थितीत विद्यमान सदस्य माजी नगराध्यक्ष रामभाऊ दुधाळे,गटनेते मोहन गडगे,नगरपंचायत उपनगराध्यक्षा दीक्षिता वारघडे,बांधकाम सभापती उर्मिला ठाकरे,पाणीपुरवठा सभापती स्नेहा आंबवणे,नगरसेविका नम्रता जाधव ,रविना राव,अनिता मारके,यांसह विकास वारघडे,सुजित ठाकरे,नंदकुमार जाधव व कार्यकर्त्यांनी एकनाथ शिंदे यांच्या शिवसेना पक्षात प्रवेश केला आहे. याप्रसंगी उपनेते माजी आमदार रुपेश म्हात्रे,जिल्हाप्रमुख देवानंद थळे, मारुती धिर्डे उपस्थित होते. या पक्षप्रवेशाने भाजपला मोठा धक्का बसला आहे. तसेच मुरबाडमधील राजकीय समीकरणात देखील मोठा बदल होणार आहे.
advertisement
जिल्ह्याचा खऱ्याअर्थाने विकास उपमुख्यमंत्री एकनाथ शिंदे यांच्या माध्यमातून होताना आम्ही बघितला आहे. आणि जातीपातीचे राजकारण, ठराविक सदस्यांना निधी वितरण यामुळे आम्ही वंचित होतो, त्यामुळे आम्ही भाजपपासून वेगळे होत परिवर्तन पॅनल स्थापन केले होते.पक्षाचे प्रमुख उपमुख्यमंत्री एकनाथ शिंदे यांच्या माध्यमातून खऱ्या अर्थाने ठाणे जिल्ह्याचा विकास होत असल्याने आम्ही शिवसेना पक्षात प्रवेश करण्याचा निर्णय घेतला अशी प्रतिक्रिया माजी नगराध्यक्ष रामभाऊ दुधाळे यांनी दिली आहे.
मुरबाड नगरपंचायतीतील परिवर्तन पॅनलच्या नगरसेवरकांनी उप मुख्यमंत्री एकनाथ शिंदे आणि खासदार श्रीकांत शिंगे यांच्या कर्तृत्वावर विश्वास ठेवत परिवर्तन पॅनल शिवसेनेत विलीन करण्याचा निर्णय घेतला.या नगरसेवकांना निधी मिळत नव्हता.पण मुरबाड शहराचा विकास करण्याचा हेतू त्यांच्या मनात आहे. त्यामुळेच आज त्यांनी शिवसेनेत प्रवेश केला आहे. असे शिवसेना नेते प्रकाश पाटील यांनी सांगितले.