जालना रोडवर शेंद्रा येथे मोरे हे विविध प्रकारच्या झाडांची होलसेल विक्री करतात. विशेष म्हणजे ते झाडांच्या वाणाच्या बिया टाकून स्वतः रोप तयार करत असतात. सर्व झाडांची रोपे ते घरी तयार करत असल्यामुळे चांगला फायदा होत असल्याचे त्यांनी सांगितले आहे. फुलांमध्ये मोगरा, जास्वंद, एक्झोरा यासह विविध विदेशी झाडे त्यांच्याकडे उपलब्ध आहेत.
advertisement
नर्सरीच्या माध्यमातून सर्व उलाढाल दीड लाखांची होते. तसेच कामगाराचे पैसे खर्च वजा करून 60 हजार रुपये राहतात तसेच घरगुती झाडांच्या देखभाल करून असे एकूण 70 ते 80 हजार रुपये महिन्याला कमाई होते. सीझनमध्ये 4 ते 5 लाख रुपये मिळत असल्याचे देखील मोरे यांनी म्हटले आहे. तसेच त्यांच्या नर्सरीच्या ठिकाणी परिसरातील शेतकरी येत असून त्यांच्याकडून नर्सरी बाबत मार्गदर्शन घेत आहे.
नर्सरी व्यवसाय कसा सुरू करावा ?
नर्सरी व्यवसाय सुरू करण्यापूर्वी सर्वांनीच एक महिना नर्सरी पूर्व प्रशिक्षण घ्यावं, त्यामध्ये रोप कशी तयार करायची, झाडांची कटिंग अशा बारीक गोष्टींचा अभ्यास करावा जेणेकरून भविष्यात अडचण निर्माण होणार नाही. नर्सरी सुरू करण्यासाठी देखील अनुभव असणे गरजेचे आहे.