सोन्याचे दर अजून किती खाली येणार? एक्सपर्टने थेट आकडा सांगितला, चांदी मिळणार अर्ध्या किमतीत

अनेक एसेट क्लासमध्ये एकाच वेळी विक्री

विश्लेषक अजय केडिया यांनी CNBC-आवाजला सांगितले की, ही मोठी घसरण जागतिक पातळीवरील ‘रिस्क-ऑफ’ वातावरण दर्शवते. या घसरणीमागील मुख्य कारण म्हणजे विविध एसेट क्लासमध्ये एकाच वेळी झालेली मोठी विक्री. यामध्ये दुबईचा रिअल इस्टेट बाजार, क्रिप्टोकरन्सी आणि इक्विटी बाजाराचा समावेश आहे. याशिवाय US Federal Reserve च्या कडक धोरणामुळेही बाजारावर दबाव वाढला आहे.

advertisement

बाजारात अनिश्चिततेचे वातावरण

2026 मध्ये व्याजदर कपात मर्यादित राहण्याची शक्यता आणि दर वाढण्याचे संकेत यामुळे डॉलर मजबूत झाला आहे. त्यामुळे सोने-चांदीसारख्या व्याज न देणाऱ्या गुंतवणुकींची मागणी कमी झाली आहे. ETF मधील गुंतवणूकही कमी झाली असून त्यातून पैसे बाहेर पडण्याचा दबाव वाढला आहे. यासोबतच वाढत्या भू-राजकीय तणावामुळे बाजारात अनिश्चितता कायम आहे.

पुढे काय?

पुढील काळातही ही घसरण सुरू राहू शकते असा अंदाज व्यक्त केला जात आहे. सोने सुमारे 1,15,000 पर्यंत खाली येऊ शकते (आंतरराष्ट्रीय स्तरावर $3450 ते $3500 दरम्यान), तर चांदी सुमारे $50 किंवा MCX वर 1,75,000 प्रति किलोपर्यंत घसरू शकते.

मात्र इतिहास पाहता असे दिसून येते की युद्धाच्या सुरुवातीच्या टप्प्यात घसरण झाल्यानंतर बुलियन बाजार नंतरच्या टप्प्यात सावरतो. त्यामुळे पुढील काळात सोन्या-चांदीला पुन्हा आधार मिळण्याची शक्यता देखील नाकारता येत नाही.