15,00,00,00,00,00,000 रुपये नष्ट झाले; बाजारात 'विनाशकारी' बॉम्ब फुटला, मोठ्या संकटाची नांदी, शेअर मार्केटमध्ये आज काय घडलं?

BSE Sensex 1,837 अंकांनी घसरून 72,696 वर बंद झाला, तर Nifty 50 602 अंकांनी घसरून 22,513 वर आला. बँकिंग क्षेत्रही वाचले नाही Nifty Bank 1,989 अंकांनी घसरून 51,438 वर बंद झाला. मिडकॅप इंडेक्समध्येही मोठी घसरण झाली आणि तो 2,138 अंकांनी घसरून 52,718 वर आला.

आजचा दिवस फक्त निर्देशांकांसाठीच नव्हे, तर संपूर्ण बाजारासाठी अत्यंत खराब ठरला. NSE वर अ‍ॅडव्हान्स-डिक्लाइन रेशो 1:14 होता. म्हणजे प्रत्येक 1 शेअर वाढला तर 14 शेअर्स घसरले. यावरून घसरण किती व्यापक होती हे स्पष्ट होते.

या युद्धाचा परिणाम फक्त शेअर बाजारापुरता मर्यादित राहिला नाही. रुपयावरही दबाव आला आणि तो प्रति डॉलर 94 च्या जवळ पोहोचला. कच्च्या तेलाच्या किंमतीही वाढत राहिल्या आणि ब्रेंट क्रूड पुन्हा $115 प्रति बॅरलच्या जवळ गेला. याचा थेट परिणाम महागाई आणि व्याजदरांच्या अपेक्षांवर झाला.

त्याचबरोबर 10 वर्षांच्या सरकारी बाँड यील्डने 6.80% चा स्तर ओलांडला, जो एका वर्षातील उच्चांक आहे. याचा अर्थ बाजाराला व्याजदर वाढण्याची भीती वाटत आहे.

सामान्यतः सुरक्षित गुंतवणूक मानले जाणारे सोने आणि चांदीदेखील आज घसरले. दोन्ही धातूंमध्ये 7-11% पर्यंत घसरण झाली आणि यावर्षी मिळालेला सकारात्मक परतावा जवळपास संपुष्टात आला.

सेक्टरनिहाय पाहता ऑइल आणि गॅस कंपन्यांवर सर्वाधिक दबाव दिसून आला. HPCL, BPCL, IOC आणि Petronet LNG यांचे शेअर्स 4% ते 8% पर्यंत घसरले. रिअल्टी सेक्टरमध्येही मोठी घसरण झाली. जिथे Lodha चा शेअर सुमारे 9% घसरला, कारण व्याजदर वाढण्याच्या भीतीमुळे प्रॉपर्टी क्षेत्रावर दबाव वाढतो.

गोल्ड फायनान्स कंपन्याही वाचल्या नाहीत. Muthoot Finance सुमारे 6% आणि Manappuram Finance सुमारे 3% घसरले. तसेच Kaynes Technology चा शेअरही 6% घसरला, कारण कंपनीने कॅश फ्लोबाबत सावध भूमिका घेतली.

मात्र या मोठ्या घसरणीत काही क्षेत्रांनी थोडा दिलासा दिला. आयटी सेक्टरमधील काही शेअर्स वाढीसह बंद झाले, कारण रुपयाच्या कमकुवतपणाचा त्यांना फायदा होतो. तसेच Power Grid नेही दिवसाच्या नीचांकी पातळीवरून रिकव्हरी केली आणि कॅपेक्स गाइडन्समुळे वाढीसह बंद झाला.

आजची सर्वात मोठी चिंता म्हणजे केवळ एका दिवसात बाजारातून 15 लाख कोटींची संपत्ती नष्ट झाली आणि युद्ध सुरू झाल्यापासून हा आकडा 50 लाख कोटींवर पोहोचला आहे. या घसरणीचा परिणाम फक्त मोठ्या शेअर्सपुरता मर्यादित राहिला नाही तर मिडकॅप आणि स्मॉलकॅप शेअर्सवरही मोठा दबाव दिसून आला.

घसरणीची 6 मोठी कारणे

1)महाग कच्चे तेल: ब्रेंट क्रूड $115 च्या जवळ पोहोचल्याने महागाई आणि चालू खात्यावर दबाव वाढला.

2)FPI विक्री: मार्चमध्ये आतापर्यंत 90,152 कोटींची मोठी विक्री झाल्याने बाजारातील भावना कमकुवत झाली.

3)India VIX मध्ये उछाल: व्होलॅटिलिटी इंडेक्स 15% वाढून 26 वर पोहोचला, जो भीती दर्शवतो.

4)जिओपॉलिटिकल तणाव: अमेरिका-इराण संघर्षामुळे पुरवठा खंडित होण्याचा धोका वाढला.

5)जागतिक कमजोरी: आशियाई आणि अमेरिकन बाजारातील घसरणीचा परिणाम भारतावर झाला.

6)रुपया ऐतिहासिक नीचांकी पातळीवर: डॉलरच्या तुलनेत 94 पर्यंत घसरण झाल्याने गुंतवणूकदारांची चिंता वाढली.