TRENDING:
NPS वात्सल्य म्हणजे काय?
हा रिटायरमेंट प्लान आहे. आतापर्यंत ही योजना 18 वर्षांवरील लोकांसाठी होती. पण आता 18 वर्षांखालील मुलांसाठीही ते सुरू करण्यात आले आहे. NPS वात्सल्य योजना असे तिचे नाव आहे. यामध्ये तुम्हाला ते सर्व फायदे मिळतील जे वृद्धांना मिळतात. या योजनेत मुलांचे पालक मुलाच्या नावावर गुंतवणूक करतील. या योजनेत मुलाचे अकाउंट किमान तीन वर्षे चालवावे लागेल. यानंतर आणि मूल 18 वर्षांचे होण्यापूर्वी, 25 टक्के रक्कम शिक्षण किंवा उपचारासाठी काढता येईल. वयाच्या 18 वर्षानंतर तुम्ही जमा केलेल्या रकमेपैकी 20 टक्के रक्कम काढू शकता. उर्वरित रकमेची वार्षिकी खरेदी करावी लागेल. म्हणजे मुलाला दर महिन्याला पेन्शन मिळेल.
advertisement
PNB मध्ये तुमचं अकाउंट आहे का? मग लगेच करा हे काम, अन्यथा बंद होईल अकाउंट
पीपीएफ स्कीम काय आहे?
PPF म्हणजेच Public Provident Fund ही देखील एक गुंतवणूक योजना आहे. मुलांसाठी असलेल्या या योजनेत अधिक लोक गुंतवणूक करण्यास प्राधान्य देतात. मात्र, ज्येष्ठ लोकही त्यात स्वत:च्या नावाने गुंतवणूक करू शकतात. यामध्ये निश्चित व्याज दिले जाते. ही दीर्घकालीन गुंतवणूक योजना आहे. यामध्ये किमान 15 वर्षे गुंतवणूक करावी लागेल. पण नंतर ते 5-5 वर्षांसाठी देखील वाढवता येते. या योजनेअंतर्गत कोणत्याही बँकेत किंवा पोस्ट ऑफिसमध्ये अकाउंट उघडता येते.
PPF आणि NPS वात्सल्य मध्ये काय फरक आहे?
सध्या PPF वर वार्षिक 7.1 टक्के व्याज मिळत आहे. यामध्ये गॅरंटीड फिक्स्ड रिटर्न उपलब्ध आहे. सरकार दर तीन महिन्यांनी व्याजाच्या रकमेचा अंदाज लावते. तर NPS मध्ये वार्षिक व्याजदर सुमारे 10 टक्के आहे. इक्विटी-लिंक्ड रिटर्न आहे. यामध्ये कोणताही निश्चित परतावा नाही.
Post Officeची भारी स्किम! फक्त व्याजातूनच कमावता येतील 2 लाख रुपये
तुम्ही PPF मध्ये 500 रुपयांपासून गुंतवणूक सुरू करू शकता. NPS वात्सल्य मधील गुंतवणुकीचा प्रारंभ प्रति वर्ष 1,000 रुपये आहे.
PPF ही गुंतवणूक योजना आहे, तर NPS ही वात्सल्य पेन्शन योजना आहे. मॅच्योरिटीनंतर पीपीएफमध्ये कोणत्याही प्रकारचे पेन्शन उपलब्ध नाही. NPS वात्सल्य मध्ये तुम्ही मॅच्युरिटीवर 20 टक्के रक्कम काढू शकाल. उर्वरित 80 टक्के रक्कम वार्षिकी म्हणून खरेदी करावी लागेल. अशा प्रकारे तुम्हाला पेन्शन मिळेल.
पीपीएफ ही 15 वर्षांची योजना आहे. मात्र, नंतर ते 5-5 वर्षांसाठी दोनदा वाढवले जाऊ शकते. NPS वात्सल्य मध्ये फिक्स असे काहीही नाही. मूल 18 वर्षांचे झाल्यानंतरही, 60 वर्षांचे होईपर्यंत ही योजना सुरू ठेवता येते.
NPS वात्सल्यमध्ये किती पैसे मिळतील?
तुमच्या मुलाचे वय तीन वर्षांपेक्षा कमी असेल आणि तुम्ही मुल 18 वर्षांचे होईपर्यंत प्रत्येक महिन्याला1000 रुपये गुंतवले तर 15 वर्षांत ही रक्कम 1.80 लाख रुपये होईल. आपण यावर 10 टक्के वार्षिक व्याज गृहीत धरले तर व्याजाची रक्कम सुमारे 2.38 लाख रुपये असेल. अशा स्थितीत 15 वर्षांत एकूण गुंतवणूक 4.20 लाख रुपये होईल. यापैकी केवळ 20 टक्के म्हणजेच 84 हजार रुपये उपलब्ध होतील. उर्वरित रकमेची वार्षिकी घ्यावी लागेल. यावर सुमारे 6 टक्के वार्षिक व्याज मिळणार आहे. या रकमेतून दरमहा पेन्शन सुरू होईल. तर PPF मध्ये 7.1 टक्के परताव्यासह, 15 वर्षांमध्ये एकूण रक्कम 3.22 लाख रुपये होईल. अशा परिस्थितीत पीपीएफमध्ये सुरुवातीलाच मोठी रक्कम उपलब्ध होईल. जर तुम्ही दोन्ही योजनांमध्ये जास्त रक्कम गुंतवली तर एकूण गुंतवणूक जास्त असेल.