Post Officeची भारी स्किम! फक्त व्याजातूनच कमावता येतील 2 लाख रुपये

पोस्ट ऑफिसमध्ये प्रत्येक वयोगटासाठी मग ते लहान मुले, वृद्ध, तरुण आणि महिलांसाठी सेव्हिंग स्किम चालवल्या जातात. आपण पोस्ट ऑफिस टाइम डिपॉझिट स्कीमबद्दल बोललो, तर जोरदार रिटर्न, सुरक्षित गुंतवणुकीसह, एखाद्याला टॅक्स सूटचा लाभ देखील मिळतो, ज्यामुळे ती खूप लोकप्रिय आहे. या योजनेत पाच वर्षांसाठी पैसे गुंतवले जातात. या कालावधीतील गुंतवणुकीसाठी सरकारकडून 7.5 टक्के आकर्षक व्याज दिले जात आहे. म्हणजे रिटर्न देण्याच्या बाबतीतही ही स्किम पुढे आहे.

तुम्ही पोस्ट ऑफिस टाइम डिपॉझिट स्कीम अंतर्गत वेगवेगळ्या कालावधीसाठी गुंतवणूक करू शकता. यामध्ये 1 वर्ष, 2 वर्ष, 3 वर्ष आणि 5 वर्षांसाठी पैसे जमा करता येतात. तुम्ही एका वर्षासाठी गुंतवणूक केली तर तुम्हाला 6.9 टक्के व्याज मिळेल, तर 2 किंवा 3 वर्षांसाठी गुंतवणूक केल्यास दर 7 टक्के दर निश्चित करण्यात आला आहे. तुम्ही या पोस्ट ऑफिस स्कीममध्ये 5 वर्षांसाठी गुंतवणूक केल्यास गुंतवणूकदारांना 7.5 टक्के दराने व्याज मिळते.

तुम्ही पोस्ट ऑफिस टाइम डिपॉझिटमधील व्याजातून होणाऱ्या कमाईचं कॅलक्युलेशन केल तर, एखाद्या गुंतवणूकदाराने या पोस्ट ऑफिस योजनेमध्ये पाच वर्षांसाठी 5 लाख रुपये गुंतवले असतील, तर 7.5 टक्के दराने, त्याला या कालावधीत ठेवीवर 2% व्याज मिळेल. तुम्हाला 24,974 रुपये व्याज मिळेल. त्याच वेळी, मॅच्युरिटीवर एकूण रक्कम 7,24,974 रुपये होईल. याचा अर्थ असा की तुम्हाला केवळ व्याजातून 2 लाख रुपयांपेक्षा जास्त कमाई होईल.

टाईम डिपॉझिट स्कीममध्ये, ग्राहकाला आयकर विभाग कायदा 1961 च्या कलम 80C अंतर्गत कर सवलतीचा लाभ देखील दिला जातो. या बचत योजनेत सिंगल अकाउंट किंवा जॉइंट अकाउंट खाते उघडता येते. 10 वर्षांपेक्षा जास्त वयाच्या मुलाचे खाते त्याच्या कुटुंबातील सदस्याद्वारे उघडता येते. यामध्ये किमान 1,000 रुपयांमध्ये खाते उघडता येते. ज्यामध्ये व्याजाचे पैसे वार्षिक आधारावर जोडले जातात. जास्तीत जास्त गुंतवणुकीवर मर्यादा नाही, म्हणजेच तुम्ही जितके जास्त पैसे गुंतवलेत, त्यानुसार तुमचे व्याज उत्पन्नही वाढेल.