Sukanya Samriddhi vs NPS Vatsalya : एनपीएस वात्सल्य की सुकन्या समृद्धी, कोणत्या योजनेत मिळतात जास्त पैसे? मुलांच्या भविष्यासाठी कोणती चांगली?

एनपीएस वात्सल्य योजना नुकतीच सादर झाली असून, 18 वर्षं वयापर्यंतच्या मुलांच्या नावे यात गुंतवणूक करता येते. या योजनेत अकाउंट उघडण्यासाठी किमान एक हजार रुपये भरणं आवश्यक आहे. तसंच, त्यापुढे प्रत्येक आर्थिक वर्षात किमान एक हजार रुपये या खात्यात भरले जाणं आवश्यक आहे. वार्षिक किती पैसे या खात्यात भरावेत, याची कमाल मर्यादा ठेवण्यात आलेली नाही.

सुकन्या समृद्धी योजना ही खासकरून मुलींसाठीच तयार करण्यात आलेली योजना आहे. 10 वर्षं वयापर्यंतच्या मुलींच्या नावे या योजनेअंतर्गत खातं उघडता येतं. या योजनेमध्ये खातं उघडल्यास वार्षिक कमीत कमी 250 रुपये आणि जास्तीत जास्त दीड लाख रुपये गुंतवणूक करता येते. सुकन्या समृद्धी योजनेतला व्याजदर सध्या 8.2 टक्के असून, त्यात दर तीन महिन्यांनी बदल होतो/होऊ शकतो. व्याजदर चांगला असल्याने त्याचा चांगला परतावा मिळतो.

सार्वजनिक भविष्य निर्वाह निधी अर्थात पब्लिक प्रॉव्हिडंट फंड ही सर्व भारतीय नागरिकांसाठी उपलब्ध असलेली दीर्घकालीन गुंतवणूक योजना आहे. त्यात लहान मुलं, तसंच प्रौढांचंही खातं काढता येतं.

पीपीएफ, सुकन्या समृद्धी योजना आणि एनपीएस वात्सल्य योजना यांपैकी कोणती योजना निवडावी हे ज्याची त्याची आर्थिक उद्दिष्टं आणि गुंतवणुकीच्या प्राधान्यक्रमांवर अवलंबून आहे.