मुंबईची 'कचरा कोंडी' होणार! पगार नाही तर या मागणीसाठी सफाई कामगार संपावर?

मुंबई महापालिकेने 14 मे 2025 रोजी निविदा प्रसिद्ध करून सफाई खात्यातील कामकाजाचे खासगीकरण करण्याचा निर्णय घेतला आहे. त्याविरोधात आजपर्यंत कामगार संघटनांनी मेळावे, मोर्चे, निदर्शने केली. मात्र, संघटनांच्या या प्रयत्नांना प्रशासनाने आणि सरकारने कोणताही प्रतिसाद दिला नसल्याचा आरोप म्युनिसिपल कामगार कृती समितीने केले आहे. तसेच हे आंदोलन पगारवाढीसाठी नाही तर कामगारांच्या नोकऱ्यांवर गदा आणून सफाई खात्याचे संपूर्ण खासगीकरण करण्याच्या विरोधात आहे. त्यामुळे नागरिकांनी सहकार्य करावे, असे आवाहन कृती समितीने केले आहे.

advertisement

संजय गांधी राष्ट्रीय उद्यानात पुन्हा धावणार वनराणी, ‘ट्रॉय ट्रेन’मधून करता येणार निसर्गाची सफर!

दरम्यान, मुंबई शहरातील 9 विभागातील सफाई कामगारांचा संपाबाबत कौल घेण्यात आला. इतर 15 विभागांतही कामगारांचा संपाच्या बाजूने कौल आहे. त्यामुळे गुरुवारी सकाळी मुख्यमंत्र्यांना भेटण्यासाठी आझाद मैदानावर जमणार आहोत. त्यांच्याशी भेट होण्याची आशा असून या भेटीत जो निर्णय होईल, त्यावर संपाचा निर्णय घेणार असल्याचे कृती समितीचे रमाकांत बने यांनी सांगितले.