TRENDING:
भायखळ्यातील सोसायटीत हाहाकार
घटनेची माहिती मिळताच मुंबई अग्निशमन दल, पोलिस, इतर संबंधित यंत्रणा तातडीने घटनास्थळी दाखल झाल्या. जखमींना तत्काळ बाहेर काढून जवळच्या रुग्णालयात हलवण्यात आले. जखमींपैकी तिघांना जेजे रुग्णालयात, एकाला बालाजी रुग्णालयात आणि एका जखमीला जसलोक रुग्णालयात उपचारासाठी दाखल करण्यात आले आहे. सर्वांवर उपचार सुरू असून त्यांची प्रकृती स्थिर असल्याची प्राथमिक माहिती मिळत आहे.
advertisement
लिफ्ट कोसळण्यामागील कारण अद्याप अस्पष्ट
लिफ्ट नेमकी कशामुळे कोसळली, तांत्रिक बिघाड होता की देखभालीत हलगर्जीपणा झाला याबाबत अद्याप स्पष्ट माहिती समोर आलेली नाही. संबंधित यंत्रणांकडून घटनेचा तपास सुरू करण्यात आला आहे. लिफ्टची नियमित तपासणी आणि देखभाल योग्य प्रकारे झाली होती का याची चौकशी केली जात आहे.
या घटनेमुळे रहिवाशांमध्ये भीतीचे वातावरण निर्माण झाले असून इमारतींतील लिफ्टच्या सुरक्षेबाबत प्रश्नचिन्ह उपस्थित झाले आहे.