Shocking : भाजी मार्केटमध्ये चिमुरडीला बनवले लक्ष्य; आजीसोबत असतानाच घडला भयंकर प्रकार; घटना सीसीटीव्हीमध्ये कैद

भाजी घेताना तरुणीने दाखवली हातचलाखी

अशीच एक धक्कादायक घटना मुंबईतील बोरीवली परिसरात घडली आहे. काजूपाडा भागात एका लहान मुलीच्या गळ्यातील सोन्याची साखळी एका तरुणीने हिसकावून नेल्याचा प्रकार सीसीटीव्हीत कैद झाला आहे. हा व्हिडीओ सध्या सोशल मीडियावर मोठ्या प्रमाणात व्हायरल होत आहे.

व्हिडीओमध्ये दिसते की, एक लहान मुलगी तिच्या आजीसोबत भाजी खरेदी करत उभी आहे. त्याच वेळी एक तरुणी त्यांच्या शेजारी येऊन उभी राहते. सुरुवातीला ती मुलीच्या गळ्यातील साखळी चोरण्याचा प्रयत्न करते पण पहिल्यांदा ती चोरी करण्याच्या प्रयत्नात यशस्वी झाली नाही मात्र त्यानंतर ती भाजी घेण्याचे नाटक करते. काही क्षणांनी बॅगेतून हात काढत ती मुलीच्या गळ्यातील साखळी तोडते आणि लगेच तेथून पळ काढते.

advertisement

View this post on Instagram

'त्या' तरुणीचा शोध सुरू

मुलीच्या आजीला काहीतरी संशय आल्याचे दिसते पण तोपर्यंत आरोपी तरुणी तिथून निघून गेलेली असते. या घटनेमुळे परिसरात भीतीचे वातावरण निर्माण झाले आहे. पोलिसांनी या प्रकरणाची दखल घेत तपास सुरू केला आहे.