TRENDING:
मध्य रेल्वेवर प्रवास करणाऱ्या प्रवाशांनी घरातून निघण्याआधी वेळापत्रक तपासूनच घराच्या बाहेर पडायचे आहे. मध्य रेल्वेच्या कांजूरमार्ग रेल्वेच्या फ्लाय ओव्हर ब्रिजच्या गर्डर लाँचिगसाठी शनिवारी मध्यरात्रीपासून रविवारी पहाटेपर्यंत विशेष ट्रॅफिक आणि पॉवर ब्लॉकची घोषणा करण्यात आली आहे. या पॉवरब्लॉकमुळे मध्य रेल्वेवर काही लोकल रद्द करण्यात आल्या आहेत. त्यामुळे शनिवारी आणि रविवारी रेल्वे प्रवाशांची तारांबळ उडण्याची शक्यता आहे. कांजूरमार्ग रेल्वे स्थानकावरील कल्याण स्थानकाच्या दिशेकडील फ्लाय ओव्हर ब्रिजचे काम हाती घेतले आहे.
advertisement
कि.मी. 24/ 13- 14 दरम्यान पादचारी उड्डाणपूलासाठी 6 मीटर रुंदीचे 4 गर्डर, रोड क्रेनच्या सहाय्याने लाँच करण्यात येणार आहे. यासाठी विशेष ट्रॅफिक आणि पॉवर ब्लॉकची घोषणा करण्यात आली आहे. मध्य रेल्वेकडून शनिवारी 14 फेब्रुवारी आणि रविवार 15 फेब्रुवारीच्या मध्यरात्रीपर्यंत विशेष ब्लॉक घेण्यात येणार आहे. या मेगाब्लॉकचा मुंबई उपनगरीय लोकलवरही परिणाम होणार आहे. मेगाब्लॉकच्या काळात छत्रपती शिवाजी महाराज टर्मिनस ते ठाणे लोकल 15 फेब्रुवारी रोजी छत्रपती शिवाजी महाराज टर्मिनसवरून मध्यरात्री 12.24 मिनिटांनी सुटणारी लोकल आणि ठाणे ते छत्रपती शिवाजी महाराज टर्मिनस लोकल 15 फेब्रुवारी रोजी ठाणे येथून पहाटे 04.04 वाजता सुटणारी लोकलही रद्द करण्यात आली आहे.
तर, मध्य रेल्वेवरील इतर उपनगरीय रेल्वेबद्दल सांगायचे तर, मेगाब्लॉकच्या काळात छत्रपती शिवाजी महाराज टर्मिनस ते कर्जत लोकल 15 फेब्रुवारी रोजी छत्रपती शिवाजी महाराज टर्मिनसवरून सुटणारी मध्यरात्रीची 12.12 वाजताची लोकल माटुंगा रेल्वे स्थानक ते मुलुंड रेल्वे स्थानक दरम्यान डाउन जलद मार्गावर चालवण्यात येणार आहे. तर, लोकल विद्याविहार, कांजूरमार्ग आणि नाहूर या रेल्वे स्थानकांवर थांबणार नाही. त्यामुळे या तिन्ही स्टेशनवर उतरणाऱ्या प्रवाशांना आपल्या सोयीप्रमाणे असणाऱ्या रेल्वे स्थानकावर उतरायचे आहे.