TRENDING:
सीएसएमटी ते सावंतवाडी रोड दरम्यान विशेष गाड्या
मध्य रेल्वेच्या सहकार्याने मुंबई छत्रपती शिवाजी महाराज टर्मिनस (सीएसएमटी) ते सावंतवाडी रोड आणि सावंतवाडी रोड ते सीएसएमटी दरम्यान विशेष रेल्वे गाड्या चालवण्यात येणार आहेत. यामुळे सणासाठी कोकणात जाणाऱ्या हजारो प्रवाशांना मोठा दिलासा मिळणार आहे.
जाणून घ्या वेळापत्रक
सीएसएमटी-सावंतवाडी रोड ही विशेष गाडी तीन फेऱ्यांमध्ये धावणार आहे. ही गाडी सीएसएमटी येथून 14, 19 आणि 21 फेब्रुवारी रोजी मध्यरात्री सुटणार आहे. तर परतीच्या प्रवासासाठी सावंतवाडी रोड येथून याच तारखांना सायंकाळी 5.20 वाजता गाडी सुटेल. ही विशेष रेल्वे दुसऱ्या दिवशी दुपारी 4.05 वाजता सीएसएमटी येथे पोहोचेल.
advertisement
गांड्याचे थांबे कोणते असतील?
या विशेष गाड्यांना दादर, ठाणे, पनवेल, पेण, रोहा, माणगाव, वीर, खेड, चिपळूण, सवर्धा, आरवली रोड, संगमेश्वर रोड, रत्नागिरी, आडवली, विलवडे, राजापूर रोड, वैभववाडी रोड, नांदगाव रोड, कणकवली, सिंधुदुर्ग आणि कुडाळ असे महत्त्वाचे थांबे देण्यात आले आहेत.
महाशिवरात्रीसाठी मोठ्या संख्येने कोकणात जाणाऱ्या भाविकांना या विशेष गाड्यांचा मोठा फायदा होणार असून प्रवास अधिक सोयीस्कर आणि सुरक्षित होणार आहे