TRENDING:
मुंबई: मुंबईतून एका दुर्घटनेची बातमी समोर आली आहे. मस्जिद बंदर परिसरात कोटक भवन या इमारतीची बाल्कनी कोसळली. या दुर्घटनेमध्ये एका जणाचा मृत्यू झाला आहे. तर २ जण जखमी झाले आहे. जखमींना तातडीने शासकीय रुग्णालयात उपचारासाठी दाखल केलं आहे. या घटनेमुळे परिसरात खळबळ उडाली आहे.
मिळालेल्या माहितीनुसार, मस्जिद बंदर परिसरात असलेली कोटक भवनची इमारत आहे. या इमारतीच्या दुसऱ्या मजल्यावरील बाल्कनी कोसळली. गुरुवारी रात्री ८.५७ वाजेच्या सुमारास ही घटना घडली. बाल्कनीच्या खाली दबल्यामुळे एका जणाचा मृत्यू झाला आहे.
advertisement
अचानक झालेल्या या घटनेमुळे परिसरात एकच खळबळ उडाली. स्थानिकांनी जखमींना ढिगारातून बाहेर काढलं. घटनेची माहिती तातडीने अग्निशमन दलाला देण्यात आली. घटनेची माहिती मिळता मुंबई अग्निशमन दल (MFB) पथकाने घटनास्थळी धाव घेतली. तातडीने मदत आणि बचाव कार्य सुरू केलं. या दुर्घटनेत एका व्यक्तीचा मृत्यू झाला आहे. तर २ जण जखमी आहे. जखमींना तातडीने शासकीय रुग्णालयात उपचारासाठी दाखल केलं आहे.
घटनास्थाळावर अग्निशमन दलाकडून मदतकार्य सुरू आहे. पुढील संभाव्य धोका टाळण्यासाठी इमारतीची जीर्ण स्थिती तपासली जात आहे. इमारत रिकामी करण्यात आली. इमारतीत राहणाऱ्यांना सुरक्षितस्थळी हलवण्यात आलं आहे. कोटक भवनाची बाल्कनी नेमकी कशी कोसळली, याची माहिती अद्याप समोर आली नाही. तसंच मृताची ओळख पटवण्याचं काम सुरू आहे.