TRENDING:
नराधम प्रियकराने ओलांडल्या क्रूरतेच्या सर्व सीमा
प्रेमसंबंध कायम ठेवण्यास नकार दिल्याच्या रागात तरुणाने तिचा पाठलाग करून तिला मुलुंड रेल्वेस्थानकात नेत आत्मदहनाची धमकी दिली. याप्रकरणी मुलुंड पोलिस ठाण्यात तक्रार दाखल करण्यात आली आहे.
मिळालेल्या माहितीनुसार, संबंधित तरुणी मुलुंडमध्ये सेल्समन म्हणून कार्यरत आहे. यापूर्वी घाटीपाडा परिसरात राहत असताना तिची पुरव मनोहर गोरे (वय21) याच्याशी ओळख झाली होती. 2024 मध्ये दोघे रिलेशनशिपमध्ये होते. मात्र वारंवार होणाऱ्या वादांमुळे डिसेंबर 2027 पासून तरुणीने त्याच्याशी संपर्क तोडला होता.
advertisement
नातं संपवल्यावरही पीछा सोडायला तयार नाही
त्यामुळे तिच्या येण्या-जाण्याच्या मार्गावर नेहमी पाठलाग करायचा. त्यानुसारच बुधवारी ती कामासाठी घराबाहेर पडताच गोरे तिच्या शॉपबाहेर आला. तिच्याशी बोलण्याचा प्रयत्न केला. तिने नकार देताच तिचा हात पकडून 20 ते 25 फूट अंतरावर असलेल्या मुलुंड रेल्वेस्थानकात नेले. तिचा मोबाइल तपासला. त्यानंतर त्याच्या खिशातून पेट्रोलने भरलेली बॉटल काढून स्वतःच्या अंगावर ओतून घेत, सोबत नाही राहिली तर स्वतला जाळून घेण्याची धमकी दिली.
अनर्थ घडता घडता राहिला
तरुणीने आरडाओरडा करताच नागरिक जमताहेत पाहून तो पळून गेला. अखेर तरुणीने पोलिसांत धाव घेत तक्रार दिली. त्यानुसार पोलिसांनी गुन्हा नोंदवत तपास करत आहे.-