TRENDING:
मुंबईत मराठी माणसावरच अन्याय?
मिळालेल्या माहितीनुसार, घाटकोपर पूर्व येथील रेल्वे स्थानकाच्या बाजूलाच एक सोसायटी आहे. तिथं महापालिकेच्या बाजार विभागाचे प्रकल्प धारकांचे कार्यालय आहे तर दुसऱ्या मजल्यावर अक्षय भांगरे यांचे प्रतीक्षा एजन्सीचे कार्यालय देखील आहे. साधारण दीड वर्षांपासून ते भाड्याने घेतलेल्या कार्यालयात व्यवसाय करतात. मात्र त्यांच्या कार्यालया जवळ असलेले गुजराती व्यावसायिक झिन गडा आणि निखिल डोमाडीय त्यांना त्रास देत आहेत. धक्कादायक म्हणजे ते एवढ्यावरच न थांबता त्यांनी अक्षय यांनी सार्वजनिक शौचालय वापरले म्हणून त्यांना मारहाण करण्यात आली.
advertisement
या घटनेबाबत अक्षय यांनी पंतनगर पोलीस ठाण्यात तक्रार करुन अदखपात्र गुन्हा नोंदवला आहे. पण आता मुंबई मनपाच्या बाजार विभागाने अनेक कारणं देत जागेचे मूळ मालक यांना नोटीस बजावली आहे शिवाय अक्षय हे अनधिकृत भाडेकरुन असल्याने त्यांनाही तातडीने काढून टाकण्याचे आदेश दिलेले आहे.
या घटनेमुळे मनसैनिक आक्रमक झाले असून त्यांची गडा यांच्या तेथील कार्यालयावर धडक दिली. मात्र त्यांचे कार्यालय तेव्हा बंद होते. पण त्यांनी कार्यालयाबाहेर ''मुंबईत फक्त मराठी'' असे लिहीत आंदोलनाचा थेट इशारा दिला आहे.
दोषी अधिकाऱ्यांची गय करू नका
मनसेच्या वतीने त्या मुजोर गुजराती व्यावसायिकांना जाब विचारण्यासाठी गेलो होतो,मात्र त्यांनी पळ काढला. त्यांच्या दुकानावर एक संदेश लिहून आलो आहोत. पण यातूनही ते सुधारले नाहीत तर तीव्र आंदोलन करु.शिवाय महापालिकेच्या ज्या अधिकाऱ्यांनी कार्यालय रिकामे करण्याची नोटीस दिली आहे,त्यांच्यावरही कठोर कारवाई करावी,असे मनसेचे अभिषेक सावंत यांनी सांगितले आहे.