TRENDING:
मिळालेल्या माहितीनुसार, डोंबिवली पूर्वेकडील टाटा नाका परिसरातील एका मॉलजवळ ही घटना घडली आहे. या ठिकाणी मोकळी जागा असल्याने परिसरातील मुले नेहमीप्रमाणे येथं क्रिकेट खेळण्यासाठी येत असतात. मात्र खेळताना बॉल हा इतर नागरिकांना लागू शकतो किंवा गंभीर दुखापत होऊ शकते, याची काळजी घेत तो सुरक्षा रक्षक मुलांना वारंवार सांगत होता.
त्या अल्पवयीन मुलाचं भयानक पाऊल
advertisement
घटनेच्या दिवशीही सुरक्षा रक्षक तुकाराम सुपुगडे(वय75) यांनी एका मुलाला मॉलच्या परिसरात क्रिकेट खेळू नकोस असे सांगितले होते. असं ऐकताच त्या अल्पवयीन मुलाला राग आला. त्यांच्यातील वाद वाढत गेला आणि रागाच्या भरातच मुलाने सुरक्षा रक्षकावर दगडाने हल्ला केला.
या हल्ल्यात सुरक्षा रक्षक हे गंभीर जखमी झाले. तातडीने परिसरातील नागरिकांनी त्यांना जवळच्या रुग्णालयात दाखल केले. सध्या त्यांच्यावर उपचार सुरु असून प्रकृती स्थिर असल्याची माहिती समोर येत आहे.
दरम्यान या प्रकरणाती माहिती पोलिसांना मिळताच घटनास्थळी धाव घेतली आणि अल्पवयीन मुलाविरोधात गुन्हा दाखल करण्यात आला असून पुढील तपास सुरु केला आहे. क्षुल्लक कारणावरुन झालेल्या या हल्ल्यामुळे परिसरात संताप व्यक्त केला जात आहे.