Shocking Incident : ''बाबा, मी येतो मदतीला...'' हे शेवटचे शब्द ठरले; नालासोपाऱ्यातील चिमुकल्याच्या मृत्यूने हळहळ

बापाच्या डोळ्यादेखत लाडक्या लेकाचा अंत

पोलिसांनी दिलेल्या माहितीनुसार, अल्पवयीन मुलगा आपल्या वडिलांसोबत बांधकामाच्या ठिकाणी गेला होता. इमारतीच्या कामासाठी वापरण्यात आलेले बांबू काढण्याच्या कामात तो वडिलांना मदत करत होता. यावेळी तिसऱ्या मजल्यावर काम सुरू असताना अचानक त्याचा तोल गेला आणि तो थेट खाली जमिनीवर कोसळला.

खाली पडताच तो गंभीर जखमी झाला. घटनास्थळी उपस्थितांनी त्याला तात्काळ जवळच्या रुग्णालयात दाखल केले. मात्र डॉक्टरांनी तपासणीनंतर त्याला मृत घोषित केले. या घटनेमुळे परिसरात हळहळ व्यक्त केली जात असून कुटुंबीयांवर दुःखाचा डोंगर कोसळला आहे.

advertisement

घटनेची माहिती मिळताच पोलिस घटनास्थळी दाखल

दरम्यान या घटनेची माहिती मिळताच तुळींज पोलिसांनी घटनास्थळी धाव घेतली. पोलिसांनी पंचनामा केला असून अकस्मात मृत्यूची नोंद करण्यात आली आहे. बांधकामस्थळी सुरक्षेच्या उपाययोजना पाळल्या गेल्या होत्या का तसेच अल्पवयीन मुलाकडून काम करून घेतले जात होते का याबाबत पोलीस अधिक तपास करत आहेत.